To start downloading books

Please sign in or create an account.

په کاري مرکه کې ستاسې پیاوړي او کمزوري ټکي

په کاري مرکه کې ستاسې پیاوړي او کمزوري ټکي

په کاري مرکه یا Job Interview کې بل جالب بحث ستاسې د قوت او کمزورۍ ټکي دي، چې کولای شي د اړونده بست په اړه دا بحث تاسې ناکام او یا هم بریا ته ورسوي. عموماً په تېرو وختونو کې دې پوښتنو دومره ارزښت نه‌درلود، خو په وروستیو وختونو کې چې د دندو له‌پاره رقابتونه ډېر شوي‌دي، نو ستاسې د «قوت او کمزوري ټکي» مرکه‌کوونکي غواړي چې ستاسې له‌خپلې خولې څخه واوري، دا ځکه چې د دندو اوسنی مارکېټ داسې ده، چې ستاسې پټ مهارتونه څوک په اسانۍ نه‌شي موندلای او تاسې باید خپل استعداد پلور ته وړاندې کړئ، او د دې له‌پاره یوازینۍ لاره دا ده، چې د خپلو مهارتونو او قوت ټکیو یا Strenghts په اړه ډېر ښه او په فصاحت وغږېږئ، په مقابل کې خپل د کمزورۍ ټکې Weakness په‌داسې مهارت وړاندې کړئ، چې درته زیان ونه‌رسوي.   

لومړی باید په‌دې پوه شو، چې کومه اداره کې تاسې ازموینه ورکوئ، په عمومي ډول هغه اداره د گمارل‌کېدونکي کارمند کوم د قوت ټکي غواړي او کوم د کمزورۍ ټکي ورته مهم دي؟ په اوسني دور کې چې د دندې گټلو له‌پاره رقابت ډېر لوړ تللی دی، ادارې عموماً داسې وگړي گماري چې د قوت ټکي يې: 

الف، تحلیلي مهارتونه Analytical Skills یانې تاسې د هرې ستونزې ريښه ښه درک کولای شئ، د ستونزې یا دفتري کار اړوند ښه همغږي کولای شئ، د یوې موضوع ژورو ته تللای شئ، بې‌پروا نه‌یاست او نور... 

ب، کاري ټیمونو کې فعال اوسېدل یا د ټیم مشري کول یانې ښه Team-player یاست؛ ډېری دفتري کارونه د یو کارکوونکي اړوند نه‌وي، او د کار د ترسره کولو له‌پاره ټیمونه جوړېږي، نو موږ باید په ټیم کې ښه رول ولوبوو، دا رول زموږ دندې او نقش پورې اړوند وي.   

ج، د اغېزمنې مفاهمې درلودل یانې Good Communication Skills یانې ستاسې خبرې روغې دي، فصیح یاست، درواغ نه وایاست، ښه غوږ اېښودونکي یاست، د غوږ اېښودو پر مهال هو/نه ښه په مهارت کوئ، پر وخت هر څه ته ځواب وایاست، بې‌پروا نه‌یاست، د لیکلو یا وینا ښه مهارت لرئ، ښه شبکه‌جوړونکي یاست او نور... 

د، د مشرۍ Leadership ښه مهارت لرئ؛ مشري تل په‌دې مانا نه‌وي، چې تاسې پسې دې یو لښکر پيروان وي او تاسې به د زنده‌باد او مُرده‌باد نارې وهئ، تاسې که سړه سینه لرئ، خو پوه یاست؛ تاسې که ښه اورېدونکی یاست او د نورو ستونزې حلوئ، یا هم ستاسې شخصیت دومره لوړ دی، چې نور تاسې ته په کتو له‌تاسې د کار کولو انرژي اخلي، هڅول کېږي او اداري اهداف په ښه توگه لاس‌ته راوړي، نو تاسې د رهبرۍ بهترین مهارتونه لرئ! 

دوییم باید په‌دې پوه شو، چې مرکه‌کوونکي د کمزورۍ کومو ټکیو پسې گرځي، چې نه‌غواړي له کاندید يې واوري، او که چېرې د اړونده دندې له‌پاره کاندید یا نوماند کې هغه وي، نو ښايي چې ونه‌گمارل شي. دلته دوه خبرې ډېر مهمې دي، چې: 

اول، د سختو مهارتونو یا Hard Skills خبره ده، چې کوم بست ته تاسې ازموینه ورکوئ، نو د هغې بست په شرایطو او مسوولیتونو Job Description کې لیکل شوي‌دی، نو کوښښ وکړئ، چې هغه خبرې ستاسې د کمزورۍ ټکي ونه‌اوسي، مثلاً هلته لیکل شوي‌دي، چې ته باید په کوېک‌بووک پوه اوسي، خو ته وايي، چې والله زما په محاسبه کې ډېر ضعیفه یم؛ یا هلته لیکل شوي‌دي، چې ته به په انگلیسي ژبه راپورونه لیکې، خو ته وايي، چې زه په انگلیسي کې لږ ضعیفه یم.   

دوییم، نرم مهارتونه یا Soft Skills دي، چې که چېرې تاسې په‌کې ځان کمزوری وپېژنئ، نو ښايي چې دومره ډېر اغېز ونه‌لري، له نرم مهارتونو څخه هدف مثلاً په عامه غونډو کې د وینا مهارت، تلوېزیوني مرکو کې تر اغېز لاندې تلل او نور... 

ستاسې د قوت ټکي:  یو ټکي ته مو باید پام وي، چې په‌دې باید تاسې پوه اوسئ، چې ستاسې د قوت او کمزوري ټکي باید ستاسې د دندې پورې اړه ولري، زه درته یو بېلگه وایم، ما سره د ارتباطاتو په برخه کې یو کارمند وو، خو چې کله به مې ورته وویل، چې ولې دې تل وتس آپ بند وی، یا زر ځواب نه‌وایم، نو وبه یې خندل، چې نایبزی صیب زه لږ اړیکوپاللو کې ضعیفه یم؛ جالبه نه‌ده، چې یو انسان دې لس کاله د اړیکو د کارمند پر بست کار وکړي، خو په اړیکو پاللو کې دې کمزوری اوسي. دلته د بېلگې په ډول ځینې د قوت هغه ټکې یادوو، هر کله که ستاسې څخه ستاسو د قوت ټکیو په اړه وپوښتل شول، نو ویلای شئ (د بېلگې په‌توگه): زه د «رهبرۍ» ښه مهارت لرم، کله مې چې د ارتباطاتو د امر په توگه کار کولو، نو ماته د یو دفترې کار له‌پاره دوه کاري ټیمونه ډېر ښه مدیریت کړل او هغه پایله چې ادارې له ما تمه لرله، ډېره ژر او په موثر ډول مې لاس‌ته راوړه. یا، کله چې زه د ارتباطاتو امر وم، نو ما باید خپلو ځینو کارمندانو ته د روزنیر ورکشاپونه دایر کړی‌وي، زما د «اړیکو مهارت» له‌ماسره مرسته وکړئ، چې کارمندان مشخص کړم، اړتیاوې یې تشخیص کړم او په‌دې برخه کې ورته روزنیز ورکشاپ دایر کړم. یا ویلای شئ، چې زه د «لیکلو» ډېر ښه مهارت لرم، زما په تېرو دندو کې له ما دا تمه نه‌کېده چې زه دې هلته یو ښه راپورلیکوونکی اوسم، خو زما دې مهارت له‌ماسره تل مرسته کړې‌ده، چې زه دې د ادارې د ټاپ منېجمنټ د پام وړ وگرځم او په‌دې برخه کې هم څه نا څه له ادارې سره مرسته وکړم. 

په لنډ ډول، ستاسې د قوت ټکیو کې: د مفاهمي مهارت، خلکو سره د شبکو جوړولو، د لیکو مهارت، تحلیلي مهارتونه، مشرۍ مهارتونه، ښه زغم، د ابتکار مهارت، د ټکنالوژۍ مهارتونه او نور راځي.   

ستاسې د کمزورۍ ټکي:  دلته مو یو ټکې ته پام وي، چې هر کله که تاسې ستاسې د کمزورۍ ټکیو په اړه پوښتل کېږئ، نو هغه کمزوري مو مه وایاست، چې په‌دې دنده کې ستاسې په زیان تمامېږي، بلکې هغه کمزروي مو ووایاست، چې ډېر دې دندې پورې اړه نه‌لري، یا کمزوري مو داسې ووایاست، چې ادارې ته د قوت ټکې په‌توگه ښکاره شي، مثلا ته وايې، چې زما لویه کمزوري دا ده، چې ماته کله دنده راوسپارل شي او وخت يې راوښودل شي، چې په‌دې وخت یې باید تمامه کړې، نو زه بیا تر هغې زښت ناراحت یم، چې تر څو مې یاد کار په سم ډول پای‌ته نه‌وي رسولای، دا ښایي تاته د کمزوری ټکی اوسي، خو پینل ته ستا د قوت ټکي په‌توگه څرگندېږي، دلته یو څو عمومي د کمزوری ټکي یادوو، چې تاسې کولای شئ، ځان پرې خلاص کړئ:   

مثلاً وايي، چې زه په سترو غونډو کې نه‌شم کولای چې وینا وکړم، یانې دا جراات نه‌کوم چې یو ښه برخه‌اخیستونکی اوسم، او تل په غټو مجلسونو کې چپ پاتې کېږم یانې زه د یو ډول شرم احساس کوم، او دا زما ستره کمزوري ده. یا وايي، چې زه د سافټ‌ویرونو د زده‌کړو برخه کې کمزوری یم، کالونه کېږي، چې غواړم جاواسکرېپټ زده کړم یا غواړم چې ډېټابېس زده کړم، که څه هم زما دندې پورې اړه نه‌لري، او یو اضافه شوق مې دی، خو نه یې شم زده‌کولای. یا وايي، چې زه ډېر کنجکاو یم، تر څو چې مې پر یوې موضوع سم ځان نه‌وي پوه کړی، نو تل په‌کې ډېرې پوښتنې کوم، تر څو د موضوع عُمق ته ځان ورسووم.

عبدالوافي نایبزی

Related Articles

د بیزو تڼاکې یا Monkey pox څه ډول ناروغي ده؟ نښې نښانې یې څه دي

بیزوتڼاکې یاMonkey pox  څه ډول ناروغي ده؟ نښې نښانې يې څه دي ژباړه: لېمه رحماني   بیزوتڼاکې Monkey pox، يو وژونکى وایروس دی، چې د تي لرونکو حیواناتو ځینې ډولونه پرې اخته کېږي. انسانانو ته د وایروس لېږد په معمولي ډول په یاده ناروغۍ د اخته څارویو سره د نېغ په نېغه اړيکې درلودلو له کبله کېږي. د دې شونتيا هم شته چې د اخته شوي څاروي د غوښې له خوړلو ه...

له خفګان څخه د خلاصون پنځه آسانه لارې چارې

ليکنه - رياض مقامزی له خفګان څخه د خلاصون لپاره ارواپوهان دغه کړنې توصیه کوي؛ نو که تاسو هم له دې ستونزې څخه کړېږئ، دا کارونه مو ستونزه ختمولای شي.   • ځان بوخت وساتئ! که له خفګان څخه کړېږئ؛ نو د مهارولو تر ټولو غوره طريقه يې همدا ده، چې مصروف شئ؛ خو باید مثبته بوختيا پيدا کړئ. مثلاً ورزش کول، کتاب لوستل، مفيدې تلويزيوني/رادیویي خپرونې ليدل/او...

د ويکټور هوګو ژوند او فن

لیکنه ـ ریاض مقامزی د نړۍ د نامتو لیکوالو په سرلارو کې د "هوګو" نوم هم د یادولو وړ دی. په دې لنډه لیکنه کې به تاسو د فرانسې هېواد ددې ستر لیکوال په اړه ډېر معلومات ولولئ.  هوګو څوک و؟ هوګو په نولسمه زېږديزه پېړۍ کې په ځانګړې توګه د فرانسې او په کُل کې د ټولې نړۍ نامتو لیکوال او شاعر دی. د نوموړي بشپړ نوم ويکټور هوګو (Victor Hugo) دی. دې ستر لیکو...

Recommended Articles

د خپل مخ پوستکی څنګه ښکلی کړو

د خپل مخ پوستکی څنګه ښکلی کړو، چې د هرچا د خوښې وړ وګرځي؟پر پوستکي مختلف داغونه د مختلفو عواملو له امله پیدا کېدی شي لکه د لمر د وړانګو له امله، د ځینو درملو د استعمال له امله او یا کېدای شي د عمر په زیاتېدا سره هم ځینې نښې نښانې را څرګندې شي. په همدې اساس د هر عامل له وجې د پوستکي د داغونو درملنه هم په جدا ډول سره کېږي، چې باید توپیر یې وشي، لکه...

د وينا پر مهال د وېرې او فشار ختمول

لیکنه ـ ریاض مقامزی دا چې موږ انسانان ټولنيز ژوند لرو، نو اړ یو چې د خپلو اړتياوو او مفکورو د وضاحت لپاره وغږېږو. خبرې کول زموږ د ژوند په هره برخه کې لیدل کېږي. په کور، کلي، دکان، ښار، مکتب، ښوونځي او ګڼو نورو ځايونو کې موږ خبرې کوو او خپل پپغام نورو ته رسوو.   ځينې خلک بیا د خبرو او وينا پر مهال تر وېرې او فشار لاندې وي. نه شي کولای خپل پيغام او...

کوټه سنګي ته ولې کوټه سنګي وايي؟

ځینې کسان په دې اند دي چې د کوټه سنګي نوم اصلا د هغې ډبرېنې کوټې څخه اخیستل شوی دی چې یو وخت په میرویس میدان کې جوړه شوې وه.ویل کیږي کله چې د دغه ځای د سړکونو کرښې وکښل شوې د سړکونو د تقاطع په نقطه کې یعنې په څلور لارې کې د ساتونکي لپاره د ډبرو یوه خونه جوړه شوه له همدې امله دا سیمه په کوټه سنګي یا د ډبرو د کوټې په نوم ونومول شوه.خو اصلا د دې  سیمې...