دیرش ارزښتمن نصیحتونه
۱_ ورځ مو دسهار په لمانځه،او داللهﷻ په ذکر پېل کړئ بریالیتوبونه به مو قدمونه ښکل کړي.
۲_ همېشه کوښښ وکړئ چې استغفار ډېر ولولئ، ځکه دغه کار مو شیطان دځان وژنې تر بریده ناهیلې کولای شې.
۳_ هیڅکله دعا مه پریږدئ ،ځکه دعا دژغورنې رسۍ ده.
۴_ تل په یاد لره چې فرشتې دي خبرې لیکي ،نو داسې څه مو وایه چي ورسته پرې پښېمانه شې.
۵_ تل خوشبین اوسه، که څه هم ډېرو ستونزو محاصره کړي یې،ځکه هر ماښام سهار لري، او هره ستونزه دحل لار.
۶_ که دغمونو او مصیبتونو تر برېد لاندې راغلې دغه کلمه ډېره لوله: لااله الاالله
۷_ په خپلو پېسو دغریبانو او فقیرانو دعاوې واخله.
۸_ اوږدې سجدې کوه، ځکه اوږدې او له ويري ډکي سجدې، بهتره دي له دنګو ماڼیو څخه.
۹_ تر خبرو کولو مخکي فکر کوه، ځکه ځیني کلمې وژونکي وي.
۱۰ _ دمظلوم له اه او ښیراوو ځان وساته ځکه د اللهﷻ او دمظلوم د اه ترمنځ هېڅ پرده نشته.
۱۱_ که کتابونو، مجلو ،او ورځپاڼو ته وخت نه لرې خیر دی خو دقران کریم تلاوت هېڅ کله مه پرېږده.
۱۲_ دخپلې کورنۍ دزغم او ډاډ سبب اوسه.
۱۳_ دخدایﷻ درضا لپاره له خپل نفس سره مبارزه کوه ځکه نفس تل داسې غوښتنې کوي چې د الله ج دنارضاتیا سبب ګرځي.
۱۴_ دمور او پلار لاسونه ښکلوه، دغه کار جنت ته، د تګ لپاره یو سبب کیدلی شي.
۱۵_خپل زاړه کالي فقیرانو ته ورکوه ځکه ستا زاړه کالي دهغوی لپاره نوي دي.
۱۶_ تل کوښښ وکړه خوښ ژوند تیر کړي، ځکه ژوند تر هغه چې ته یې فکر کوې ډیر لنډ دی.
۱۷_ د دعا دقبلیدو لار دې دګناه په وسیله مه تړه.
۱۸ _ که هر څومره سخته او مصیبت کي يې لمونځ وکړه الله ﷻ به دي مرسته وکړې.
۱۹_ دټولو غمونو لامل له الله ﷻ سره واټن دي، ختم یې کړه چي الله ﷻ دي غمونه ختم کړي.
۲۰_ که چا دي غیبت وکړ خیر دی خپګان کولو ته اړتیا نشته ځکه په خپل لاس خپلي نیکۍ تاته درکوي.
۲۱_ دجهنم اور او سختۍ رایاد کړه دغه کار دي له ګناه کولو منع کولای شې.
۲۲_ که غواړي چي نېکمرغي ترلاسه کړي کتابونه مطالعه کوه.
۲۳_ سباترهغې پریږده چې راشې دسبادحوادثوپه اړه مه پوښته ځکه ته همدانن ورځ بوخت یې! ننۍ ورځ نغده اوسبانۍ ورځ نسیه ده.
۲۴_ مه خفه کېږه! د لمر تاو په یخ سیوری سره وژل کېږی، د غرمې تږی او جل وهلی په یخو اوبو خړوبېږی او وږی په ډوډۍ مړېږی، بې خوبی په خوب او ناروغی په روغتیا سره دوا کېږی! ته لږ صبر وکړه، نو الله تعالی به خیر کړي.
۲۵_خلکو ته سینه پراخه کړہ د نیکیو په لارښود او معلم مُحَمَّد ﷺ کی غورہ صفت ھمدا وو چي ھغه خپله سینه د خلکو پر وړاندی پراخه کړي وہ.
۲۶_ له تا سره همېشه د ځواکمنو، ځواکمن او د غنیانو، غني؛ الله تعالی مل دی، هیڅ وېره مکوه.
۲۷_ همېشه لمونځ کوه، ځکه هغه ستا سره قبر ته تلوونکی دی.
۲۸_ صدقه کوه، ځکه صدقه تر ټولو ښه کار دی او تر نورو ښه صدقه؛ ښه او نېکه خبره کول دي.
۲۹_ کله چي دي له چا څخه خپل غیبت واورېده، نو هغه ته ووایه " له خدایه ووېرېږه.."
۳۰_ د الله ﷻ او د نبي کریم(صلی الله علیه وسلم) مینه اختیار کړه.