د محمد نبي عیسی خېل پېژندګلوي
لیکنه: شکېبا نادري، د محمد نبي عیسی خېل پېژندګلوي
زموږ د ګران هېواد افغانستان خلک له دومره ستونزو سره سره بیا هم هڅه کوي، چې له نړۍ سره سیالي وکړي، هغه که د سپورټ په ډګر کې وي، که د زدکړو په ډګر کې وي او یا که په نورو برخو کې وي.
د افغانستان اتلو خلکو تل خپل بې مثاله استعداد نړیوالو ته څرګند کړی دی او لا یې څرګندوي، تر ټولو غوره بېلګه یې د کرېکټ ملي لوبډله ده چې په ډېر کم وخت کې یې ځان له هغو لوبډلو سره برابر کړ، چې له شپېتو، اوویا کلونه را په دېخوا کرېکټ کوي په داسې حال کې چې د افغانستان د لوبغاړو او لوبډلې لا شل کاله نه کېږي چې کرېکټ یې پیل کړی دی.
موږ په دې لیکنه کې تاسو ته د محمد نبي عیسی خېل په اړه معلومات درکوو، که تاسو هم د نبي عیسی خېل له مینه والو څخه یاست او غواړئ په اړه یې معلومات تر لاسه کړئ، زموږ دا لیکنه تر پایه ولولئ!
نبي عیسی خېل د نړۍ په کچه د افغانستان د ملي لوبډلې هغه پېژندل شوی لوبغاړی دی، چې هم په بیټنګ او هم په بالېنګ کې د افغانستان لپاره ډېر ښه ځلېدلی دی.
نبي عیسی خېل د ۱۹۸۵ کال په اوومه نېټه په لوګر ولایت کې زېږدلی دی، اوس مهال ۳۶ کاله عمر لري، نبي د لومړي ځل لپاره په ۲۰۰۹ کال کې د افغانستان په ملي لوبډله کې شامل شو او لومړۍ یو ورځنۍ نړيواله لوبه یې د سکاټلنډ پر وړاندې ترسره کړه، په ټېسټ کې یې بیا لومړۍ لوبه د هند پر وړاندې تر سره کړه او وروستۍ لوبه یې د بنګلدیش پر وړاندې تر سره کړه او په شل اوریزو لوبو کې یې بیا خپله لومړۍ لوبه د اېرلنډ پر وړاندې تر سره کړه.
محمد نبي په کومو لوبډلو کې لوبې کړې دي؟
محمد نبي په بېلابېلو لوبډلو کې لوبې کړې دي لکه، د افغانستان ملي لوبډله، د امو لوبډله، د بند امیر لوبډله، بنګال ټایګر، د نړۍ د لومړۍ درجې ليګ سنډرایزرس حیدر اباد او داسې نورو ټیمونو کې یې لوبې کړې دي.
له نوروز منګل څخه دوه کاله وروسته محمد نبي عیسی خېل د افغانستان د ملي لوبډلې کېپټان شو.
د نبي عیسی خېل منډې د توپ وهنې(بیټنګ) په برخه کې
ښاغلي نبي ۱۲۷ یو ورځنۍ نړیوالې لوبې کړې دي چې په دې لوبو کې یې ۲۸۱۷ منډې کړې دي، په دغو یو ورځنیو لوبو کې یې په یوه لوبه کې یې تر ټولو ډېرې منډې ۱۱۶ دي،
۸۶ شل اورېزوې نړیوالې لوبې یې کړې دي او ټولې منډې یې ۱۵۲۳ دي او په یوه لوبه کې یې ډېرې منډې ۸۹ دي. په ټوله کې محمد نبي ۳۰۹ شل اوریزې لوبې کړي دي او منډې یې ۴۸۱۵دي، خو په یوه لوبه کې یې ډېرې منډې ۸۹ دي.
د ښاغلي نبي هغه لوبې چې ده پکې توپ وهنه(بالېنګ)کړی
محمد نبي درې ټېسټ لوبې کړې دي، چې اته ویکټې یې پکې اخیستې دي، ۱۲۷ یو ورځنۍ نړیوالې لوبې یې تر سرع کړې دي، چې ۱۳۲ ویکټې یې پکې اخیستې دي او ۶۸ شل اوریزې نړیوالې لوبې یې کړې دي، چې ۷۳ ویکټې یې پکې اخیستې دي.
د محمد نبي د خوښې لوبغاړی د هندوستان د لوبډلې تقاعد شوی او پخوانۍ کېپټان ام اېس ډوني دی.
په نړیواله کچه د محمد نبي عیسی خېل ریکارډونه
۱. په نړیواله یو ورځنۍ لوبه کې یې ۱۰۰۰ منډې کړې او ۱۰۰ ویکټې یې اخیستې دي.
۲. په بله نړیواله یو ورځنۍ لوبه کې یې ۱۰۰۰ منډې کړې، ۵۰ ویکټې یې اخیستې او ۵۰ کېچونه لري.
۳. محمد نبي په شل اوریزو لوبو کې تر ټولو ډېره د نړۍ په کچه غوره لوبغاړي جایزه اخیستې ده.
دا په داسې حال کې ده چې د کرېکټ د نړیوالې شورا (ای. سي. سي) له خوا محمد نبي عیسی خېل د لومړۍ درجې الرونډر په توګه وټاکل شو.