د هندوستان پښتانه – بهارب

صفيه حليم

د هندوستان د بهار ولايت مرکزي ښار پټنه نومېږي. د عبادت خانو او د علم او هنر دا لرغونې سيمه په دې هم وياړي چې د دې يوه ولسوالۍ سهسرام د هند نامتو پښتون باچا شېر شاه سوري سيمه وه او اوس پکې د ده مقبره هم جوړه ده. د لته د خلجيانو او لوديانو د وخت نه پښتانه مېشت و او کله چې بابر لوديان مات کړل نو لوې شمېر يې بهار کې راټول شول او د دوي پر ضد يې د بېرغ پورته کړو. د دې سيمې په ليرې پرتو کليو او بانډو کې اوس هم پښتانه ژوند کوي او څه نا څه خپل پخوانې ژوند يې هم هغسې ساتلې دې.