ايکس کروموسوم - افسانه -- ليک محمد الياس طوطه کان ملاکنډ خيبرپښتونخوا
ايکس کروموسوم
نن په يونيورسټۍ کښې ننګيال د خپلي پي ايچ ډي د مقالے دفاع کوله . د ننګيال د مقالے عنوان د ماشومانو په پيدائش کښې د ايکس او وائي کروموسوم په کردار بحث کول وو
ننګيال چي خپله مقاله واوروله نو په ھال کښې موجود زده کونکو او نورو استاذانو په دغه اړه مختلف سوالونه اوکړل - ننګيال د دغه سوالونو په ډيره ښه طريقه جوابونه ورکړل
په اخير کښې د هغه د پي ایچ ډي مشر ازميښت اخستونکي سوال اوکړو چي د هلک او جينۍ پيدائش د مور او پلار د کوم کروموسوم دوجي کيږې ؟
ننګيال په جواب کښې اووے چي د هلک او جينۍ په پيدائش کښې په هر صورت کښې د مور له اړخه ايکس کروموسوم وي او د پلار د اړخه ياخو ايکس کروموسوم وي او يا وائي . اوس که جينۍ پيدا کيږي نوهغه د پلار د ايکس کروموسوم له وجي کيږي او که هلک وي نو د پلار داړخه په هغې کښې وائي کروموسوم شامل وي.
د ننګيال د دغه جواب په اوريدو د هغه د پي ايچ ډي مشر ازميښت اخستونکي ننګيال ته دهغه د مقالے په کاميابه دفاع مبارکي ورکړه . او ننګيال ډاکټر شو
د پي ایچ ډي کولو نه پس ننګيال ته په يونيورسټۍ کښې د پروفيسر نوکري ميلاؤ شوه. او بيا يو کال پس چي کله د ننګيال دويمه لور اوشوه نو سخت خفه شو او د خپلي ښځي سره ئي خبري هم بندي کړے په دے وجه چي لور ئي شوي وه . ښځي ورته ډير اووئيل چي ستا زما سره ولي ورانه ده په دے کښې زما څه قصور دے خو ننګيال چرته منله .
د ژوند ورځي شپې تيريدے او ننګيال ځان له دويم واده هم اوکړو په دے غرض چي نارينه اولاد مي اوشي خو ددويمي ښځي نه هم د ننګيال لوڼه اوشوے. خو دننګيال دخپلي اولنۍ ښځي سره اوس هم ورانه ده.
او نن هغه ورځ هم راغله چي ننګيال خپل ايکي يو ځوي له واده اوکړو. ډير خوشحاله وو چي اوس به مي د خيره نمسي اوشي .خو د واده نه پس ننګيال د پلار نه بيل شو ځکه چي دننګيال هم اولنۍ لور شوي وه او پلار به ورته هر وخت پيغور ورکوؤ چي لور دي شته او ځوئ دي نشته
د ځوي د بيلتون نه پس ننګيال بيمار شو اوس به د هغه خيال دهغه مشري لور ګل څانګي ساتلو کومه چي په ميډيکل کالج کښې د ايم بي بي ايس د څلورم کال زده کوؤنکي وه . نن ګل څانګي د پلار نه تپوس اوکړو چي بابا په کومه خبره چي ستا زما دمور سره ورانه ده هغه خو ستاسو د پي ایچ ډي مقاله وه او تاسو ثابته کړي هم وه چي دا ټول کمال د پلار په کروموسوم کښې وي نو بيا تا زما د مور سره دا دومره موده په څه ورانه وه ؟
د ننګيال سره جواب نه وو او د شرمه نه ئي دا هم نه شو ويئلے چي ګني دا د پلار دکروموسوم وجه نه ده ځکه چي يو خوا د هغه لور هم پوهيده ځکه چي پخپله ئي په ميډيکل کالج کښې سبق وئيلو او بل خوا ننګيال ته هم پته وه چي دا خو ټوله د وائي کروموسوم وجه ده کوم چي په پلار کښې وي. د ننګيال په سترګو کښې غټې غټې اوښکي وے ځکه چي نن دهغه خدمت ايکس کروموسوم کولو . يعني د هغه لور د هغه خدمت ته ولاړه وه
ديو سوړ اسويلي نه پس ئي په ژړا کښې ئي خپلي لور تهاووے چي مور ته دي اووايه چي بابا معافي غواړي.ځکه چي د ثبوت باوجود ما د هغه سائنس نه انکار کولو د کومي په تحقيق چي ماته د ډاکټرۍ ډګري ميلاؤ شوي وه .
ننګيال خپلي لور ته ويئل چي بچے کله کله مونږ خپل جهالت ته د پښتو ، غيرت او ننګ نومونه ورکوؤ خو په اصل کښې داسي نهده .او بيا ورته په ژړا کښې لګيا شو چي زه نن ډاکټر شوم ځکه چي زه د قدرت په نظام او د خپل تحقيق په مطلب نن پوهه شوم ..