د سالنګ سیند څخه کابل د اوبو د لېږد پروژه، چې ځینې رسنۍ یې خبر کښته پورته کوي، هېڅ درک نه لري. تېر کال چارواکو د خلکو د ارامولو لپاره د دې پروژې د کار خبر ورکړ، خو په حقیقت کې د اوبو او برېښنا وزارت یې ډیزاین ته ظرفیت نه لري. دا چې سږ کال واورې لږ وورېدې او زر ویلې شوې، ځمکې ته لږ اوبه تغذیه شوې. نو راتلونکو میاشتو کې به د اوبو ستونزه ډېره شي. خاصتا په لویو ښارونو کې به د ځمکې لاندې اوبو کچه لا پسې ولوېږي. 
اوسنیو امکاناتو ته په کتو په لویو ښارونو او د هغو شاوخوا د ځمکې لاندې اوبو مصنوعي تغذیه راتلونکو کلونو کې یو څه ستونزه لږ کولی شي. د مصنوعي تغذیې ګڼې لارې شته. چې یو یې د سیند د اوبو څخه لویو حوضو ته اوبو هدایت کول دي څو هلته ځمکې ته چارچ شي. همدارنګه د ښارونو شاوخوا سیمو کې د باران اوبو د زېرمې او تغذیې کولو لارې چارې عملي کول او نورې کړنې هم د ځمکې لاندې اوبو وضعیت ښه کولی شي. چې ما د ټویټر په لاندې لړۍ کې پرې بحث کړی.
https://twitter.com/assemmayar1/status/1638201185566875648
د کابل ښار د اوبو ستونزې اوږدمهاله حل لپاره له شاه و عروس بند څخه کابل ښار ته د اوبو لېږد او همدارنګه د شاه توت بند جوړول اړین دي.