ای ځوانانو د بریالیتوب لپاره له ما واورئ

نوی ځوان شوی وم هېر مې نه دي چې له خپل پلار څخه ډېر زیات ګېله من وم کله نا کله به مې له ځان سره ژړل چې دا پلار ولې زما سره داسې چلند کوي ما به چې هر وخت خپل پلار ته وویل، پلاره غواړم یو کورس کې نوم لېکنه وکړم، یا غواړم چې یو لرې ځای ته لاړ شم نو زه یوازې یم،بلد نه یم ته راسره ولاړ شه.

هغه به راته وویل، چې زویه زما پلار ملا وه هیڅ ځای هم بلد نه وه او نه هم یوه ورځ راسره چېرته تللی وه زه درسره نه ځم بس خپله ولاړ شه زویه داسې فکر وکړه چې زه نه یم.

دغو خبرو به زه سخت خفه کړم چې زه خو هیڅ ځای بلد نه یم او پلار ولې راسره داسې چلند کوي؟

همدا د پلار خبرې وې چې ما هم خپله کارونه ته مخه کړه،هرځای او هرکار به مې په پوره هوډ او ډاډ سره خپله کوه او د پلار په خبره داسې فکر به مې کوه چې خدای مه کړه رښتیا زما پلار نه شته دی نو زه باید څه وکړم.

هماغه وه چې نن ورځ مې ژوند خه دی او هر کار ته چې مخه کړم د  خدای ج په مرسته په بریالیتوب سره پای ته ورسیږي او له خپل پلار څخه اوس مهال زیات منندوی یم پلار عمر مو اوږد شته او په ژوند مو برکت.

زه وایم چې هر ځوان او هرڅوک باید په خپله هڅه وکړي خپله کار وکړي او دې هیچا لپاره په تمه نه شي تاسو خپله بریالي یاست او هر کار خپله کولي شي.