د شنو چايو ګټې او زيانونه
3,969
Riaz Muqamzai - ریاض مقامزی
2021-03-28 05:00:06
ژباړه ـ ریاض مقامزی
د اوړي په را نږدې کېدو سره د انسان بدن په ډېره اندازه اوبه له لاسه ورکوي، چې له همدې امله خلک ډېر چای څښي. خو ډېری خلک نه پوهېږي، چې د شنو چایو ګټې او زیانونه کوم دې. په دې لنډه کې به پر همدې موضوع پوه شئ.
د شنو چايو روغتيايي ګټې
ـ ستاسو د جلد د ښکلا او تازګۍ سبب کېږي.
ـ ستاسو د بدن اړتيا وړ ويټامين سي او E برابروي.
ـ د وزن په کمښت کې هم د پام وړ ګټور ثابتېږي.
ـ د الزایمر په مخنيوي کې رول لري.
ـ د خولې د بد بوی مخنيوی هم کوي.
ـ د اسهال او کانګو په وخت کې هم بې ګټې نه دی.
ـ د خفګان او سټریس په مخنيوي کې یې هم اغېز ثابت شوی.
ـ د زړه د سکتې او نورو ناروغيو په مخنيوي کې هم ګټور دی.
ـ د وینې غوړ هم په مناسبه اندازه کموي.
ـ د لوړ فشار او وينې د شکر په کنترول کې مرسته کوي.
ـ د ځیګر لپاره هم ګټور دی، او د ځيګر د سرطان په مخنيوي کې هم مرستندوی دی.
ـ د قوي انتي اکسیدان لرلو له کبله، د سرطان ضد هم دی.
زیانونه
باید هېر نه کړئ، چې ددې ټولو ګټو سره ـ سره د شین چای ډېر څښل ستاسو روغتيا هم ننګوي. خو پوښتنه دا ده، چې د شنو چايو ورځنی مناسبه اندازه څو ګیلاسه ده؟ په عمومي ډول د ورځې له ۴ تر ۶ ګیلاسه باید وڅښل شي. له دې ډېر ځينې زیانونه لري. لکه:
ـ د اوسپنې او کلسیم د جذب مخنيوي کوي، او په دې توګه د وينې د کمښت سبب کېدای شي.
ـ همدارنګه په ځينو مواردو کې د قبضیت سبب هم کېږي.
ـ د غوسې او بې خوبۍ لامل هم دی.
