د ناکامو خلکو ځانګړنې
2,318
Riaz Muqamzai - ریاض مقامزی
2021-05-25 06:59:32
په ټولنیز ژوند کې دوه ډوله خلک لیدلای شو. یو ډول هغه خلک دي، چې په ژوند کې ډېر بریالي وي. دوی ژر پرمختګ وي او ډېرې لاسته راوړنې لري. دویمه ډله هغه خلک دي، چې وروسته پاتې وي. تل د نورو د بریاوو ننداره کوي او چکچکې ورته وهي.
که څه هم د بریاليو او ناکامو خلکو پېژندل لږ ستونزمن وي. خو بیا هم د ځينو ځانګړنو له مخې یې په اړه قضاوت کولای شو. په دې لیکنه کې به تاسو ناکامو خلکو ځانګړنې ولولئ؛ نو که تاسو هم دا عادتونه لرئ، باید ژر تر ژره سې د اصلاح لپاره لاس په کار شئ.
د ناکامو خلکو ځانګړنې
ـ قوي اراده نه لري؛ دوی که ډېرې ښې طرحې او پلانونه هم ولري. بیا یې هم د تطبیق لپاره د قوي ارادې انرژي نه لري.
ـ ددې پر ځای چې خپل ځان ورسوي، د نورو په اړه ډېر فکر کوي.
ـ ډېری وخت د موبایل په کارولو تېروي.
ـ خبرې ډېرې کوي او عمل یې په هيڅ حساب وي.
ـ ډېرې ټوکې کوي.
ـ وخت بې ځایه تېروي. په موبایل، لډو، لوبو او ... له حده ډېر وخت مصرفوي.
ـ ځان لوړ ګڼي.
ـ په چارو کې له ښو خلکو سره مشورې نه کوي.
ـ تل په نورو نيوکې کوي.
ـ پر خلکو ملنډې وهل خوند ورکوي.
ـ د نور په بریا خفه کېږي.
ـ ورځنی مهالوېش نه لري.
ـ له ځان سره د خپلو کړنو او لاسته راوړنو حساب نه کوي.
ـ د پیسو په مصرف کې غور نه کوي.
ـ د نورو لپاره خپل ځان ځوروي.
ـ تنده لهجه لري
ـ دا ورته ویاړ ښکاري، چې نور ترې ووېرېږي.
ـ همېشه غوسه وي.
ـ ډېر غږېږي.
ـ له خپلو ملګرو سره دومره مینه لري، چې ځان ته زیان رسوي.
ـ په مینه کې افراط کوي.
ـ ډېرې پیسې په خوړو او یا لباس مصرفوي.
ـ هڅه کوي خپله خبره پر نورو تحمیل کړي.
ـ یوازې خپله خبره ورته سمه ښکاري.
ـ د کوشش پر ځای پر بخت ډېر تاکید کوي.
ـ د تېر په اړه ډېر فکر کوي.
ـ راتلونکي ته د کار پر ځای فکر کوي.
ـ د نورو عیبونو پلټي.
ـ د نورو احترام ورته چاپلوسي ښکاري.
