پريټي څوک ده؟
لیکنه ـ ریاض مقامزی
د بالیووډ له مشهور ممثلینو څخه یوه هم پريټي ده. نوموړې په "۱۹۹۸ز" کال کې د فلمونو او تمثیل نړۍ ته مخ کړه او ډېر ژر یې ګڼ شمېر مینه وال پیدا کړل. پريټي له فلمونو ورهاخوا د کریکټ په ډګر کې هم فعالیتونه کوي، چې د هند په غوره لیګ کې د "کینګز ایلیون پنجاب" لوبډلې مالکه ده.
په هر حال؛ په دې لیکنه کې به مو د پريټي په اړه ګڼې نورې پوښتنې هم ځواب شي. د لیکنې تر پایه له موږ سره اوسئ.
پريټي څوک ده؟
نوموړې د هند د فلم جوړولو تر ټولو لویې ادارې "بالیووډ" یوه نوموتې اداکاره ده، چې بشپړ نوم یې پريټي زینټا "Preity G Zinta" دی. نوموړې د "۱۹۷۵ز" کال د جنورۍ پر "۳۱" نېټه د هند هیماچال پردېش "Himachal Pradesh" ایالت په شیملې "Shimla" سیمه کې وزېږېدله.
پلار یې "Durganand Zinta" د پوځ افسر و؛ خو له بده مرغه کله چې پريټي "۱۳" کلنه وه، پلار یې د یوې ترافیکي پېښې پر مهال ووژل شو. ددې پېښې له کبله یې مور هم سخته ذهني ضربه ولیده او دوه کاله یې په روغتون کې تېر کړل. په دې جریان کې پريټي په یواځې ځان د خپلو وروڼو ساتنه کوله. همدا سختې ورځې ددې سبب شوې، چې پريټي د ذهني بلوغ مرحلې ته ورسېږي او وروسته یې په ژوند کې خورا بریاوې په برخه شوې.
لومړنۍ زده کړې یې د "عیسی او مریم" په ښوونځي کې وکړئ او وروسته یې لوړې زده کړې د انګلېسي ادبیاتو او جنایي ارواپوهنې په برخو کې پای ته ورسولې.
وروسته بیا په "۱۹۹۸" کال کې یې د فلمونو نړۍ ته مخه کړه او د خپل استعداد او ښکلا له وجهې یې ډېر ژر محبوبیت پیدا کړ. تر اوسه یې د "شاهرخ خان، سلمان خان، امیر خان، ریتیک روشن" په څېر له مشهورو هندي اداکارانو سره یې په فلمونو کې برخه اخیستې ده.
په "۲۰۱۶ز" کال کې یې له امریکايي تجار "Gene Goodenough" سره واده وکړ او تر اوسه ګډ ژوند وي. اوس ـ اوس یې دوه جوړه اولادونه پیدا شوي، چې یوه یې نجلۍ او بل یې هلک دی.
ځينې نور جالب ټکي
- پريټي اوسمهال "۴۶" کاله عمر لري؛ خو لا هم که څوک یې فکر به وکړي، چې ځوانه نجلۍ ده.
- پريټي لومړی د تبلیغاتي موډلې په توګه دنده کوله.
- ویل کېږي شاندار امرهي به "پريټي" خپله لور بلله او د هغه له مړینې وروسته ورته "۶۰۰" میلیونه روپۍ په میراث کې پاتې شوې؛ خو پريټي وا نخیستې او بېوزلو ته یې وبخښلې.
- د نوموړې شخصي شتمني شاوخوا "۳۰" میلیونه ډالر اټکل شوې.
- هغه له فلمي نړۍ ورهاخوا د باسکيټبال مسلکي لوبغاړې هم ده.
- پريټي بي.بي.سي ته هم څو لیکنې او مقالې ليکلي، چې خلکو ستایلي دي. البته په مقالو کې د هغو فلمونو په اړه نظریات دي، چې "B-Town" تولید کړي.
- د نوموړې قد "۱۶۲" سانتي متره او وزن یې "۵۲" کیلو ګرامه دی.
- د پريټي د سترګو رنګ یې روښانه قهوه يي دی.
- که څه هم نوموړې هندوه ده؛ خو ویلي یې دي، چې له مسلمانانو سره هم علاقه لري.
