د لمانځه شرطونه

صبورګل صابر

لوی خدای متعال ذات په خپل قران کې د لمانځه په اړه مسلمانو ته فرمايلي دي (( قَدْ أَفْلَحَ الْمُؤْمِنُونَ。 الَّذِينَ هُمْ فِى صَلَاتِهِمْ خٰشِعُونَ )) ژباړه: په تحقیق سره کامیاب او بریالي دي هغه کسان چې په لمنځو کې خوشوع کوونکي وي. نو دي ایات ته په کتلو مسلمان باید په لمانځه کې ډېر کوشش وکړي څو یې لمونځ په سم ډول وي او د دنیا او آخرت نېکمرغي ته ځان ورسوي. شروط صلاة چې په عربي ژبه لیکل شوی دی، او زمونږ له حنفي مسلک سره سم د لمانځه او ټول هغه اصول چې له لمانځه سره تړاو ولري پکشي راغلي دي، نو که یو څوک د خپل لمونځ په سهي کولو ځان پوهول غواړي د دې کتاب ورته لوستل مهم دي، خو دا چې زمونږ د ټولنې ډېر خلګ له عربي سره سم بلد نه دي نو شدیده اړتیا وه چې دا کتاب په پښتو کړل شي څو زمونږ ټولنه د لمانځه په سهي کولو پوه شي او خپل لمونځ له ټولو رکنونو سره سم ترسره کړي څو یې د خوشوع لمونځ ته ځان رسولی وي. زه ځان عالم نشم بللی او نه مې د علم کوم څه کړي دي، نو حتمي ده چې کتاب به له خطاو څخه خالي نه وي نو له ټولو عالمانو په درنښت هیله کوم چې له ماسره خپل نظریات شریک کړئ څو وکولای شو همدا ستاسو مخ ته پروت کتاب لا غني او بسیا کړو. په پای کې یوځل بیا یادونه کوم چې د دې کتاب په چاپولو کې زه عاجز یم نو هر څوک چې د داسي صدقي ترلاسه کول غواړي؛ چې ټول عمر یې خیر او ثواب نه ختمېدونکي وي، نو مه ناوخته کوئ زه مو په خدمت کې یم. و من الله توفیق. صبور ګل صابر