د سلفو صالحینو حالات مبارکه روژه کی

بسم الله الرحمن الرحیم دکتاب نوم"په مبارکه روژه کې د سلفو صالحینو حالات" یوه ارزښتناکه تحفه د هغو کسانو لپاره چې غواړي له روژې څخه ګټه واخلي. وصلى الله على سيدنا محمد وعلى آله وصحبه أجمعين. لیکوال:شاکر الذهبی ژباره:محمدرضاصافی

"په مبارکه روژه کې د سلفو صالحینو حالات" یوه ارزښتناکه تحفه د هغو کسانو لپاره چې غواړي له روژې څخه ګټه واخلي. الحمدلله، نن د کتاب PDF فایل بشپړ شو، او زه ډېر خوشحاله یم چې د رب العالمین د رضا لپاره دا کتاب تاسو ته وړاندې کوم. ان شاءالله، ډېر ژر به یې فایل له ټولو سره شریک کړم. زه پوهیږم چې ستونزې به پکې وي، ځکه دا زما دریمه کوچنۍ رساله ده چې له فارسي ژبې نه یې پښتو ژبې ژباړم.خو بیا هم، ما ډېر کوښښ کړی دی چې لغتونه او جملې په ساده او روانه بڼه تاسو ته وړاندې کړم. زما یوازینی هدف د الله تعالی رضا ده.زه پوهېږم چې دا ژباړه به د نظر ورکولو لایقه نه وي،خو که کوم لیکوالان ملګري ماته نصیحت او لارښوونه وکړي، زه به ترې رښتیا هم دیر زیات خوشحاله شم. زه په دې خوشحاله یم،که یو کس د دې ټول کتاب له لوستلو ګټه وانه خلي،خو یوازې د یوه ټکي یا قول څخه عبرت واخلي، دا زما لپاره د خوښۍ او کامیابۍ ځای دی. یادونه:ما ډېر مخکې غوښتل چې دا فایل نشر کړم،ترڅو موږ وکولای شو له روژې څخه ګټه واخلو، خو د ځینو ستونزو له امله دا کار وځنډېده. له تاسو بخښنه غواړم،اوس فایل الحمدلله بشپړ شو. غوښتنه:که ژباړه مو خوښه شوه،نو ماته دعا وکړئ، چې نور کتابونه او رسالې هم وژباړم.خو که چیرې پکې ستونزې ډېرې وې،نو ماته ووایاست، ترڅو پرېکړه وکړم چې ژباړې ته دوام ورکړم که نه.ځکه زه نه غواړم د هغو کسانو له ډلې شم چې یوازې لیکنې کوي او پاڼې ډکوي.زما موخه د خپل ځان اصلاح او د امت مسلمه خدمت دی.زه یوازې د فارسي ژبې له کتابونو ژباړه کولی شم،نو تر څو چې ژوندی یم، دا خدمت به د الله عزوجل لپاره جاري ساتم. ستاسو کشر ورور، محمدرضا صافی