- ترناب
- سیفون
- کانال سیفون
- بړوف
Cross Drainage works of Canal?
● هر کله چې د کانال په مسير کې یوه بله مجرا واقع شي په دغه حالت کې په همدې مسير کې چې کانال له کوم حالت سره مخ کېږي او کوم ساختمانونه ورته جوړېږي (Cross Drainage Works) ورته ویل کېږي.
● هر کله چې یو کانال له یوې مجرا/خوړ څخه تیرېږي نو څلورو حالتونو سره مخ کېدای شي.
1) دکانال بیډ لېول د طبعي مجرا/خوړ څخه جیګ وي. .
2) د طبعي مجرا/خوړ HFL د کانال بیډ لېول ته ورسېږي.
3) دکانال HFL د طبعي مجرا/خوړ بیډ لېول ته ونه رسېږي.
4) دکانال HFL د طبعي مجرا/خوړ بیډ لېول ته ورسېږي.
☆Bed Level
بېډ لېول:
په یو مجرا کې د اوبو لاندينې سطحې ته بېډ لېول ویل کېږي.
☆HFL(High Flood Level)
های فلډ لېول:
په مجرا کې تر ټولو زیات جریان ته ویل کېږي چې دغه جريان د زیاتو اورښتونو او سیلابونو په وخت کې په مجرا کې صورت نیسي.
● هر کله چې د کانال بیډ لېول د طبيعي مجرا/خوړ HFL څخه جیګ واقع شي په دغه حالت کې , د کانال د تیرولو لپاره چې کوم ساختمان باید جوړ شي عبارت ده له (Aqueduct) ترناب څخه .
● هر کله چې د طبعي مجرا/خوړ HFL د کانال بیډ لېول ته ورسېږي,په دغه حالت کې د کانال د تیرولو لپاره چې کوم ساختمان جوړېږي عبارت ده له(Syphone Aqudect) سیفون ترناب څخه.
● هر کله ګې د کانال HFL د طبعي مجرا/خوړ بیډ لېول ته ونه رسېږي په دغه حالت کې چې کانال د تېرېدلو لپاره کوم ساختمان جوړېږي عبارت ده له سوپر پسېج (Super Passage) څخه.
● هر کله چې د کانال HFL د طبعي مجرا/خوړ بیډ لېول ته ورسېږي په دغه حالت کې د کانال د تېرېدو لپاره چې کوم ساختمان جوړېږي عبارت دې له کانال سیفون/بړوق (Canal Syphone)څخه.
راټلونه: انجنیر عرفان الله حسن