To start downloading books

Please sign in or create an account.

Shamshad Zaheer 4 years ago 27,065
د نارينه د جنسيت د هورمون د کمېدو سببونه

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته بيا بېرته خپل ټول تاثير له لاسه ورکړي، د هورمونونو تاثير د زيات وخت لپاره دوام کوي.

د انسان په بدن کې ګڼ هورمونونه موجود دي خو ځینې یې بنسټيز دي، د ژوند د حياتي کړنو لپاره مهم دي، مطلب بدن ځينو هورمونونو ته تر نورو ډېره اړتیا لري، په دې هکله یوه بله د پام وړ خبره داده چې ځينې هورمونونه یوازې انساني بدن تولید کولی شي او د بیرون څخه تقويه او اخيستل یې امکان نلري، دا ډول هورمونونه نو بیا خپل ارزښت بې ساری کوي او پکار ده چې ډېره زياته پاملرنه ورته شي.

د نارينه د جنسيت هورمون ټېسټېسټېرون
هورمونونه زموږ د بدن د بېلابېلو غدو څخه افراز کېږي، په بدن کې يو د مهمو هورمونونو څخه يو هم د جنسيت هورمون ټېسټېسټېرون دی، دا هورمون د انسان په بدن کې د انسان هګۍ توليدوي، که څه هم د پښتورګو د سر غدې هم په کمه کچه دا هورمون توليدوي خو بنسټيز او زيات تولید یې په هګيو کې کېږي.

ټېسټېسټېرون زموږ په بدن کې بېلابېلې دندې لري، ترټولو مهمه دنده يې د انسان د جنسي ژوند دوام دی، ټېسټېسټېرون د يوې خوا د انسان د ګډ ژوند لپاره اړین دی د بلې خوا د بدن د هډوکو او عضلاتو د ودې لپاره هم ډېر زيات ارزښت لري، هغه نارينه چې د ټېسټېسټېرون کیفیت خراب وي نشي کولی د اولاد څښتن شي او ګډ ژوند یې هم‌ د ګڼو ستونزو سره مخ کېږي.

د ټېسټېسټېرون هورمون د کمېدو سببونه
تراوسه پورې په دې هکله محدود معلومات د سائنس په ټولنه کې موجود دي، خو همدا محدود معلومات موجودې ستونزې حل کولی شي، د جنسيت هورمون يا ټېسټېسټېرون په هګیو کې توليد‌ کېږي نو په هګیو کې رامنځته کېدونکې ستونزه په مستقيم ډول په ټېسټېسټېرون تاثیر کوي.

کله چې د يوه نارينه هګۍ د ډېر وخت لپاره ګرمې وي نو د ټېسټېسټېرون کميت او کيفيت دواړه یې خرابېږي، دا کېدی شي له دې کبله وي چې يو کس په ډېرو ګرمو اوبو حمام کوي او په حمام کې زيات وخت تېروي او یا هم کېدی شي تنګې جامې لاندینۍ جامې اغوندي او یا هم په يوه ګرمه کوټه کې د ډېر وخت لپاره پاتې کېدل وي.

د هګيو ځینې ناروغۍ هم ددې سبب کېږي چې نارينه د خپل جنسيت د هورمون ټېسټېسټېرون کیفیت له لاسه ورکړي، د پروستات التهاب هم ډېر کله ددې سبب کېږي چې د نارينه د جنسيت د هورمون په تولید کې کم والی رامنځته شي او د نارينه و د منيو کيفيت خراب شي.

ډېر زيات چاغښت هم ددې سبب کېږي چې زموږ په بدن کې د جنسيت هورمون ټېسټېسټېرون کم شي، هغه کسان چې د شکر ناروغي لري او ورسره چاغ هم وي نو بيا یې د سپرمو يا منيو کيفيت ترټولو خراب وي، دا ډول کسان بيا ترټولو ډېر ددې ستونزې سره مخ کېږي چې خپله مېرمن نشي حامله کوی او بې اولاده پاتې کېږي، نه يوازې چې بې اولاده پاتې کېږی ګډ ژوند یې هم د ګڼو ستونزو سره مخ کېږي ځکه چې نارينه د کوروالي نورمال شوق له لاسه ورکوي او يو ډول ځان ورڅخه غړوي.

Related Articles

نقشې تطبیق-خط اندازي

د نقشې تطبیق( خط اندازي):له تطبیق څخه هدف دا دی چې پلان انجینر ته وسپارل شې(پلان د بل انجینر پواسطه ترتیب شوی وی) یا انجینر پخپله پلان ترتیب کړی وی او هغه د ګچ یا چونې پواسطه په ځمکه تطبیقوی. لاندی نقطې په پام کې نیول کیږی:1- د نقشې شمال لوری د ځمکې له شمالي لوری سره یو کول(دا کا د قطب نما په وسیله تر سره کیږی).2- د یو معلوم خط لرل: پدی معنی چی د ن...

(ناول ماته ميکده لومړۍ برخه)

#ماته_ميکده_ناول_لومړی_برخه🌹🌹🌹🌹#ليکوال_سيدادريس_سادات_🌹🌹🌹🌹🌹🌹#ترتيب_کوونکی_ړنګ_ليکوال🌹🌹🌹🌹🌹🌹🌹🌹نوی ناول دی لايک اوله ملګرو سره يي شريک کړۍ. دماسپښين دری بجې وی داوړي اوږدی اوږدی ورځی او سخته ګرمي وه.دڅا مخی ته دری بوقی پرتی وی يوه می راواخيسته لاستي کی می يي پړی واچاوه.بوقه می څاه ته کوزه کړه .دګرمۍ مړه خوله راباندی راماته وه.دلاس ن...

حجره څه شي ته ویل کېږي!؟

لیکنه ـ وړانګه اکبر   پېژندنه: حجره د سایتوپلازم او هستې یوه کتله ده،کومه چې د یوې غشا په واسطه احاطه شوې ده.حجره داسې یو مایکروسکوپیک جوړښت دی چې د ژوندیو موجوداتو جوړښتیز او دندیز واحد ګڼل کېږي.ډېری حجرې شونې ده چې یوازې یوه حجره ولري او یا له یوې څخه زیاتې حجرې ولري.دحجرې په تعریف کې د سایتوپلازم،هستې او حجروي غشا څخه یادونه شوې ده، دا هر یو یې...

Recommended Articles

د خپل مخ پوستکی څنګه ښکلی کړو

د خپل مخ پوستکی څنګه ښکلی کړو، چې د هرچا د خوښې وړ وګرځي؟پر پوستکي مختلف داغونه د مختلفو عواملو له امله پیدا کېدی شي لکه د لمر د وړانګو له امله، د ځینو درملو د استعمال له امله او یا کېدای شي د عمر په زیاتېدا سره هم ځینې نښې نښانې را څرګندې شي. په همدې اساس د هر عامل له وجې د پوستکي د داغونو درملنه هم په جدا ډول سره کېږي، چې باید توپیر یې وشي، لکه...

کوم ډول خلک بايد کېله ونه خوري

که څه هم کېله ځيني ګڼې ګټي لري خو دغه ميوه ځينې عورايض او تاووانونه هم لري.چې په لاندي ډور ورته اشاره کوو. دغه خوږ ميوه د خپل ځانګړي خوند، او نرموالي له امله په ټوله نړۍ کې مشهوره ده. ګېله کوم ډول زيانونه لري. ۱: د وزن زياتوالی دـ ځينو نورو خوړو په څير کېله هم پريمانه کالوري لري چې د وزن د زياتوالي لامل کيږي په هره متوسطه کېله کې ۱۰۵ ګرامه کالو...

خرمهره؛ تاسو یې په اړه څومره پوهېږئ!؟

 لیکوال: لطیف یاد په پخوانیو وختونو کې به خرو ته اوربشې ورکول کیدلې، چې ددغو اوربشو د خوړلو په پایله کې به تر څو کلونو وروسته د خرو د ژبې لاندې  وینه ټینګه  او غلیظه شوه او د یوه مرغېړي (غُدې) بڼه به یې ونیوله. وروسته به یې دغه مرغېړي (غُده) د خرو د ژبې د لاندینۍ برخې نه  د جراحي عملیاتو (آپریشن) په تر سره کولو وویستله او په جوشو شیدو (پیو) کې به...