ادم، حوا او ارتقا

الله تعالی مونږ ته قران کی ښودلي دي چی انسان له دوو شیانو جوړ دی یو د هغه حیواني وجود ده، دغه وجود بلکل داسی ده لکه د نورو ځناورو وجود. دغه وجود ته مونږ په ساده الفاظو کی جسم وایوو او الله تعالی همدغه ژوندۍ هستۍ له همدی ځمکی پیدا کړی ده. قران دا خبره هم واضح کړی ده چی د انسان د پیدایښت ابتدا د سمندر د غاړی له نرمی خټینی(دلدل) برخی څخه کړی ده او بیا له ډیرو مراحلو وروسته هماغه حیواني وجود د تکمیل درجی ته ورسید، لکه قران چی وايي په څو څو مراحلو کی د هغه تصفیه مونږه وکړه، لکه مونږ اوتاسی چی کوم څه جوړوو نو اول کی ډیر ساده جوړښت لري چی وروسته قدم په قدم او مرحله په مرحله بدلون پکی راځي او ښایسته کیږي تر دی چی مطلوب حالت ته ورسیږي، الله تعالی مونږ ته ویلي دي چی ما د انسان حیواني وجود هم همداسی جوړ کړی دی.

کله چی د انسان حیواني وجود تمکیل شو نو سوره سجده کی الله تعالی فرمايلي دي چی له اسمان نه د هغه شخصیت د هغه داخل ته می الهام کړ. نو په دی اساس انسان د جسم له اړخه د ځمکني هستي ده او په هغه ډول جوړ ده لکه څنګه چی نور ځناور جوړ شوي دي.

د ادم او د حوا نه مخکی چی کوم د انسان په شکل حیوانات موجود ول له هغو نه الله تعالی دوه انتخاب کړل او انساني شخصیتونه یی ورکړل او همدغو دوو ته قران د ادم او د حوا خطاب کوي البته د حوا نوم خو قران کی نسته خو د هغی شخصیت قران کی ذکر شوی ده. دا ادم او حوا ول چی الله تعالی انساني شخصیتونه ورکړل. ادم علیه السلام ته نه یوازی انساني شرف حاصل شو بلکه الله تعالی وحی پری نازه او خپل پیغمبر یی وټاکه.

وینه وال: جاوید غامدی
ژباړه: تکبیر