To start downloading books

Please sign in or create an account.

Ketabton 4 years ago 12,496
د حافظې د پیاوړتیا څو لارې

د حافظې د پیاوړتیا څو لارې

هغه حقیقت چې د عمر په زیاتېدو سره حافظه له منځه ځي، دلیل نه شي کېدای چې ونه شو کولی د له منځه تللو طریقه یې ډېره سسته کړو. څېړنو ښودلې ده چې موږ کولی شو د امکان تر حده حافظه وساتو، اجازه راکړئ دغه عملي لارې وسپړو. 

د حافظې د قوي کېدلو څو لارې 

ژور فکر وکړئ چې فعاله حافظه مو بهتره شي: فعاله حافظه تقریباً ستاسو د مغز د یادښت کتابچه ده، چېرته چې نوي معلومات په موقته توګه ساتل کېږي. کله چې د یوچا نوم او یا هغه پته واورئ چې غواړئ لاړ شئ، دغه معلومات ستاسو فعاله حافظه تر هغه وخت پورې ساتئ چې له دغه معلوماتو سره مو کار خلاص شي؛ که دغه معلومات له دې زیات تاسو ته په کار نه راتلل هغه وخت بیا اوږد مهاله حافظې ته نه سپارل کېږي؛ خو که دغه معلوماتو ته بیا اړتیا وي اوږد مهاله حافظې ته سپارل کېږي.

فعاله حافظه هغه څه ده چې هره ورڅ ترې استفاده کوو، که پیاوړې وي ورځنی ژوند مو ډېر راحت کولی شي. 

ذهن ته نومونه وسپارئ: ذهن ته د نومونو سپارل سربېره پر دې چې ذهن ته ډېره ګټه لري بلکې د ژوند له پاره ګټور دي؛ ځکه چې زیات خلک د نمونو په یادولو کې ستونزه لري. ‌ذهن ته د نومونو سپارلو زیاتې لارې شته؛ لکه د خلکو نومونه د حیواناتو او یا اعدادو سره یوځای کړئ، هر وخت چې د هغه حیوان، عدد او یا بل څه نوم واخلئ هغه نوم مو ذهن ته راځي.

د حافظې د بیا روغتیا له پاره ورزش وکړئ: د موږک او انسان پر حافظو باندې شویو څېړنو ښودلې ده، چې منظم تمرین حافظه بیا پیاوړې کوي. د تېرعمره خلکو د حافظې کمزوي کېدلو په پرسه کې دا ثابته شوې چې د فټنس ورزش مرسته کوي د ذهن دکمزوري کېدلو پروسه سسته کړي، هغه هم له منظم او دوامداره تمرین پرته. څېړنې ښيي چې منظم تمرین کولی شي په ځانګړې توګه ځایي حافظې ته ګټوره وي. پرهمدې اساس امکان لري د هر ډول حافظې د بیا پیاوړتیا له پاره کټور نه وي. 


ځينې لوبې تمرين کړئ: ډېرې غوره لوبې شته چې تاسو کولی شئ له هغو څخه د خپلې حافظې په پیاوړتیا کې استفاده وکړئ؛ لکه جدول، سطرنج او نور… دا لوبې له تاسو سره مرسته کوي چې فکر مو یوه ځای ته متوجه کړئ او زیات تمرکز وکړئ.


ډېر ويده شئ چې حافظه مو ثابته شي: منل شوي دلایل شته چې ښيي د حافظې له پاره خوب له ډېرو اړينو عناصرو څخه یو عنصر دی. حافظه ده چې تر ډېره د خوب په واسطه آرامېږي، نو ښکاره ده چې زموږ ‌ ذهن بغییر له پوره خوب څخه نه آرمېږي. د بې خوبۍ پر سبب سردرد کېږو، تر دې چې کوچينۍ پړموښۍ هم کولی شي حافظې ته ګټه ورسوي.
هره ورځ ذهن ته ډېر مهم او جدي معلومات سفارل: هره ورځ ډېر مهم خبرونه او د هغه اړوند معلومات په هماغه ورځ په خپله حافظه کې ثبت کړئ؛ دغه کار د حافظې پر پیاوړتیا زیاته اغېزه لري، ځینې وخت تاسو کولی شئ د معلوماتو پرځای د هغه مفهوم واخلئ.
له کوره بهر چې له کومو اړینو پېښو سره مخ کېږي ويې لیکئ او بیا يې په کور کې تکرار کړئ ترڅو ذهن مو دا معلومات ذخيره کړي.

طبیعت ته لاړ شئ: د حافظې د پیاوړتیا له پاره ځینې طبیعي درمل ډېر غوره درمل دي. پخواني درمل د مغز او عصبي سیستم کړنې تقویه کوي.
 رزماري هغه بوټی دی چې د حافظې په پیاوړتیا کې مرسته کوي. 

خپل موټر پیدا کړئ: د موټرو په یوه لوی تم ځای چې له موټرو څخه ډک وي فکر وکړئ. پام وکړئ چې له کوم حالت سره مخ کېږئ؛ آیا په آسانۍ سره کولی شئ خپل موټر پیدا کړئ او که حیران او سرګردانه کېږي؟ دا کار په ځلونو ترسره کړئ او هر ځل په تېزۍ سره خپل موټر پیدا کړئ. 


ګلونه بوی کړئ: شاید تاسو ته نادیده معلومه شي؛ خو داسې ګلان شته چې په بویولو سره یې حافظه پیاوړې کېږي؛ لکه ګل‌زر 


یوه نوې ژبه زده کړئ: ستاسې د حافظې د پیاوړتیا له پاره بله غوره لار دا ده چې یوه نوې ژبه زده کړئ. دوه کټې به وکړئ یو به نوې ژبه زده کړئ او بل به مو حافظه پیاوړې شي، چې دومره ستونزمنه هم نه ده. 
د ژبې په زده کولو کې له تاسو سره فلمونه، ډي وي دي او نور خدمتونه مرسته کوي.

Related Articles

څنګه کولای شو چې ځان نه د اندروید (موبایل) پروګرام ليکونکی جوړ کړو؟

سلامونه او احترامات ددې سوال ځواب په څو ټکو او کړنلارې سره وړاندې کوم.   مهم ټکي: 1: هیڅوک هم نړۍ ته پروګرام ليکونکی نه دی راغلی حتما به یې کوښښ کړی وي چې دې کامیابۍ ته رسېدلي. 2: هیڅکله هم ځان نورو سره مه پرتله کوئ. ځکه امکان لري چې یوه ورځ تاسو له نوموړي کس څخه ډیر پرمختګ وکړئ.   ځان نه د اندروید (موبایل) پروګرام ليکونکی (Android Developer)...

د قدر شپه څه وخت ده؟

لیکنه او راټولونه: شکېبا نادري د قدر شپه څه وخت ده؟    د قدر شپه یعنې هغه فرصت چې اللهﷻ د خپل فضیلت او لورینې له امله د خپلو بندګانو د ګناهونو او بښنې لپاره ورکړی دی، تر څو دوی په دغې مبارکې شپې کې عبادت وکړي او ګناهونه یې وبښل شي. موږ په نننۍ لیکنه کې تاسو ته د قدر د مبارکې شپې د ځانګړتیاوو، فضیلتونو، وخت او داسې نورو په اړه معلومات درکوو که ت...

روژه (لنډه کیسه)

روژهلنډه کیسهلیکوال: رفیع الله ایثارـــــــــــــــــــــــــــــــــــــــ یتیم ماشوم له کور څخه راووت، سوړ اسویلی یې وویست، د ژوند بار ورته ډېر دروند ښکاریده، د روژې لومړی سهار و او دې ماشوم ته د کورنۍ سرپرستي ورترغاړې وه، د کار او پیسو ګټلو هېڅ حل لاره یې ذهن نه اخیسته خو بیا هم د ښار په لوري روان شو، ښار کې د خلکو ګڼه ګوڼه زیاته وه، په خوارکي...

Recommended Articles

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته بيا بېرته خپل ټول تاثير له لاسه ورکړي، د هورمونونو تاثير د زيات وخت لپاره دوام کوي. د انسان په بدن...

د خپل مخ پوستکی څنګه ښکلی کړو

د خپل مخ پوستکی څنګه ښکلی کړو، چې د هرچا د خوښې وړ وګرځي؟پر پوستکي مختلف داغونه د مختلفو عواملو له امله پیدا کېدی شي لکه د لمر د وړانګو له امله، د ځینو درملو د استعمال له امله او یا کېدای شي د عمر په زیاتېدا سره هم ځینې نښې نښانې را څرګندې شي. په همدې اساس د هر عامل له وجې د پوستکي د داغونو درملنه هم په جدا ډول سره کېږي، چې باید توپیر یې وشي، لکه...

اعصاب په کومو شيانو کمزوري کېږي

د انسان په وجود کي اعصاب تر ټولو مهمه برخه ده، د انسان ټولي چاري او فعالیتونه د همدغي ناحیې څخه کنټرولېږي.لاندي ځیني مهم ټکي دي چي په پام کي نیول یې د ذهن په سالم ساتلو کي مرسته کو. - د سهار چای نه چیښل:هغه خلک چې د سهار چای نه چیښي په بدن کي یې د شکري اندازه راکښته کېږي، په نتیجه کي یې دماغ ته په کافي اندازه مواد نه ور رسېږي او دماغ کمزوری کېږي....