د اسلام مبارک دين له نظره د اوبو ساتنه
اوبه د چاپیریال یو اړين عنصر دی چې د ژوندیو موجوداتو د ژوند لپاره خورا ډیر اهمیت لري. یعنې د ټولو ژوندیو موجوداتو ژوند اوبو پورې تړلى دی. د سمندرونو تروشو اوبو (97%) او طبيعي يخچالونو (2%) سربيره خوږې اوبه چې د انسانانو د استفادې وړ ګرځې ډيرې کمې يعنې 1% دي، ځکه نو د اسلام مبارک دين هم انسانان د اوبو په ساتلو او د اصراف څخه په مخنيوي مکلف کړي دي ـ لکه په لاندې ډول.
په سورت اعراف کې الله تعالى ج فرمائي:
ژباړه:خورٸ، څښئ او له حد څخه تیری مه کوئ الله ج تر حد تیری کوونکی نه خوښوي.
نو د اوبو په استعمال کې تيری کول هم د الله تعالى د ناخوښۍ سبب ګرځي.
رسول الله صل الله علیه وسلم د اوبو له ککړولو څخه منع فرمایلې ده د الله پاک د رسول صل الله علیه وسلم حکم دی:
( لاَ يَبُولَنَّ أَحَدُكُمْ فِي الْمَاءِ الدَّائِمِ الَّذِي لاَ يَجْرِي ثُمَّ يَغْتَسِلُ فِيهِ.) (بخاری : ۴۲۴)
ژباړه: په ولاړه اوبو کښي هیڅکله بولي مه کوئ هغه چې بهیږي نه، ځکه چي وروسته په دې کي غسل کوٸ.
همدارنګه بې له اړتيا د اوبو د ضايع کولو په اړه حدیث شریف دی:
(أَنَّ رَسُولَ اللهِ صَلَّى الله عَليْهِ وسَلَّمَ مَرَّ بِسَعْدٍ وَهُوَ يَتَوَضَّأُ ، فَقَالَ : مَا هَذَا السَّرَفُ ؟ فَقَالَ : أَفِي الْوُضُوءِ إِسْرَافٌ ؟ قَالَ : نَعَمْ ، وَإِنْ كُنْتَ عَلَى نَهَرٍ جَارٍ.) (ابن ماجۃ : ۴۱۹)
ژباړه : رسول الله صل الله علیه وسلم سعد رض ولید چې هغه اودس کوي نبي ع ورته وفرمايل دا څنګه اصراف دی; حضرت سعد رض ورته وویل چې په اوداسه کي هم اصراف وي؟ رسول الله ورته وفرماپل چې هو په دې کښی هم اصراف دی که څه هم ته د بهیدونکي لښتي پر غاړه اودس کوې.
نوټ: د اوبو د ضايعاتو د مخنيوي په موخه د څاهګانو د اوبو د ريسايکل Recycle کولو يوه ښه طريقه ده.
خان اغا شینواری