ميا شاه جهان

دا سړي
۔۔۔۔۔۔۔۔۔۔۔۔ ميا شاه جهان دي پۀ 1942 كښې د اتمانخيلو پۀ چينه ګئ كښې د ميا حاكم پۀ كور كښې پيدا شوي او پۀ 9 فرورئ 2005 كښې د كور پۀ خواه كښې پۀ بمى چاودنه كښې د دهشت ګردئ ښكار شو ۔۔
مياشاه جهان هغه شخصيت وه چې ټول ژوند ئې د اولس خدمت ته وقف كړي وه !!!
مېاشاه جهان هغه شخصيت وه چې د سركار د پاره ئې ځان اولس ته مجرم كړې او د اولس د پاره ئې ځان حكومت ته مجرم كړي وه۔۔ خو د ثالثئ رول ئې هميشه د پاره لوبولي۔
مياشاه جهان هغه شخصيت وه چې هر كله ورته د پاكستان د حكومت د قبائلو دننه ضرورت پيښ شو نو د لوى افغانستان نه ئې باجوړ ته راوستلو او د يو وفادار محپ وطن اعزازات ئې وركړل۔۔
مياشاه جهان هغه شخصيت وه چې پۀ تاريخ كښې د باجوړ د نواب مقابلې ته پۀ ړومبى ځل انتخاباتو ته ودريد ۔۔
مياشاه جهان هغه شخصيت وه چې پۀ قامى سياست كښې ورله د پاكستان حكومت پۀ كور بمبارى وكړه ۔۔
مياشاه جهان هغه شخصيت وه چې بيګم نسيم ولى خان ورته پۀ پيښور كښې د قبائلو پۀ لويه جرګه كښې د خپل قامى تقرير د زده كړې استاذ محترم وائيلي۔۔
مياشاه جهان هغه پښتون قامپرست شخصيت وه چې حكومت ټول عمر قبائلى بغاوت ته لكه د ډال نيولي۔۔
مياشاه جهان هغه شخصيت وه چې قبائلو د حكومت د سرزورئ پۀ مقابله كښې لكه د يو جنګى بهادر سپاهى راپاڅولي ۔۔
دا هاغه مياشاه جهان وه چې د نفاذشريعت پۀ شخړه كښې افعانستان ته جلاوطن كسان ئې باجوړ ته راوستل او د حكومت محافظان ئې جوړ كړل ۔۔
دا هاغه مياشاه جهان وه چا چې پۀ پاړه چينار كښې د شيعه او سنى جهګړه پۀ انسانى ورورولئ بدل كړه ۔۔
دا هاغه مياشاه جهان وه چې د وانا وزيرستان پۀ شخړه كښې پرې ټولو قبائلو د مشرئ اعتماد وكړو ۔۔
هو ۔۔
دا د مياشاه جهان د ضرورتونو د پرون خبرې وې چې د ماضى كتاب پرې ډك شو او د تاريخ پۀ آئينه كښې د قوم پۀ لمن د وينو يو نه وركيدونكي داغ شو چې د تاريخ هره پانړه به ئې دې بې ضميره بې احساسه او بې وفا اولس له پۀ مخ د شرم لاس راكاږى ځكه چې دې قوم ټول عمر د شخصيتونو پۀ جنګ كښې د ځانه هسك سرونه لكه د مياشاه جهان غوندې غوڅ كړى او ورك كړى ۔۔
ځكه نن سرونه لرو خو سردار نه لرو ۔۔
مونګ چې د مياشاه جهان د حكومت سره د خدماتو او د اولس سره د ښيګړې پۀ اوږد پرون او نن كښې دا سوچ وكړو چې د مياشاه جهان غوندې داسې غيرجانبار شخصيت چې حكومت او پښتنى قبائلى اولس دواړو ته محبوب وه او بيا هم دې بې ضميره اولس۔ او كرپټ بدعنوانه نظام تحفظ ورنكړو نو د حكومت سره مو د خدماتو او د اولس سره مو د مينې او ښيګړې نه باور پاڅى۔۔
قاتل به نن هم د خپل ضمير پۀ جرم كښې ګرفتار وى او سبا به هم ځان د ضمير د جرم د حصاره خلاص نكړى۔۔۔
مياشاه جهان په هسك سر او سپين مخ لكه د حسين عليه السلام د حق پۀ لاره خدائي له وينې وينې لاړو۔۔۔
خو مونګ نن هم د قلندرمومند دا شعر پۀ افسوس سره وايو چې !!!
د پښتون د نوى كول دې خدائي حافظ شى۔۔
هړه ورځ چې ترينه داسې مشران مرى ۔۔
۔۔۔۔۔۔۔۔۔۔۔۔
۔۔۔۔۔۔۔۔۔۔ مياشتنئ ليكوال فرورى 2005 چاپ ۔۔
كتاب ۔۔ د وينو د سپرلى ګلونه ۔۔ صحفه 36 ۔۔ چاپ 2018
ليك۔۔ جعفرخان جعفر