To start downloading books

Please sign in or create an account.

د تولستوی لنډ ژوندليک

د تولستوی لنډ ژوندليک

ليکنه: ریاض مقامزی

د ادبیاتو په نړۍ کې ډېر کم خلک پر دې توانېږي، چې په نړېواله کچه وپېژندل شي. دا ځکه چې د ادب لمن خورا پراخه ده او ګڼ شمېر خلک پکې د خپل قلم زور ازمايي. مګر نړۍ یوازې هغه کسان پېژني چې فکر یې پر یو قوم او محدودې جغرافیې پورې نه وي تړل شوی.

کله چې د یو لیکوال فکر د ټولې نړۍ د خیر ښيګڼې او پرمختګ لپاره نظریې ورکوي، په نړېواله سطحه مطرح کېږي. له دې ډلې یو هم تولستوی دی. تاسو به په دې لیکنه کې د نوموړي په اړه هر اړخیز معلومات ترلاسه کړئ. 

 

پېژندنه

د روسيې ددې ستر مفکر او رومان لیکونکي بشپړ نوم لیف نیکولایویچ تولستوی "Lev Nikolaevich Tolstoy" دی. هغه د "۱۸۲۸" زیږديز کال د سپټمبر په نهمه د مسکو په "تولا" ښارګوټي کې وزېږېد. دی د خپلې کورنۍ څلورم اولاد و. د کورنۍ په اړه یې د یادونې وړ ده، چې د روسیې له نوموتو او بډايو کورنيو څخه وه. 

خو د تولستوی تقدیر له هغه څخه والدین ډېر ژر واخیستل. دی لا دوه کلن و، چې مور یې مړه شوه. همدارنګه په نهه کلنۍ کې د خپل پلار له سیوري محروم شو. د کورنۍ له شرایطو سره سم یې له بهرنيو ښوونکو ته زده کړې وکړې. د هغه وخت بډايه کورنيو خپل ماشومان پر بهرنیو روزل. دا ښوونکي به اکثراً فرانسویان وو. 

تولستوی لوړې زده کړې د کازان پوهنتون د ختيځو ادبیاتو په څانګه کې شروع کړې وې. خو و نه توانېد د تاریخ په مضمون کې د کامیابۍ نمرې ترلاسه کړي. هغه ته د مضمون بیا لوستلو سپارښتنه وشوه؛ مګر تولستوی بېخي خپل مسلک بدل کړ او حقوق یې پیل کړ. خو هلته هم په "تاریخ" کې کامیاب نه شو. هماغه و، چې بوهنتون یې پرېښود. 

له دې پېښې وروسته تولستوی خپلې پلارنۍ ټاټوبي ته مخه کړه او هملته دېره شو. هلته د "ژان ژاک روسو" ګڼ آثار په پوره دقت ولوستل. هماغه و، چې د یو قوي لیکوال په توګه څرګند شو. تر ټولو مشهور آثار یې "سوله او جګړه" او "اناکارنینا" نومېږي. د خوښې ځای دی، چې دا دواړه آثار یې پښتو ژبې ته هم ژباړل شوي دي.

تولستوی د ژوند په وروستیو کې له شتمنۍ، کور او کلي سره اړیکې پرې کړې. په همدې توګه یوه ورځ بالکل ورک شو. له څه مودې ترې تم کېدو وروسته د "۱۹۱۰ز" کال د نومبر میاشتې پر نهمه نېټه جسد وموندل شو. په دې توګه د یو ستر لیکوال د قلم توري د تل لپاره خاموش شول. 

 

د تولستوی ویناوې

  • تر ټولو بد او خطرناک الفاظ دا دي، چې وايو/فکر کوو "ټول همداسې دي..."
  • که ټولې جګړې د عقیدې لپاره وای، اصلا به جنګ نه کېدای. 
  • وختونه تېرېږي؛ خو ویل شوې خبرې پاتې کېږي.
  • دا ادعا پوچ او ناسم خیال دی، چې حکومت د خلکو استازیتوب کوي.
  • د هېچا زړه مه خفه کوه، ځکه ته هم زړه لرې.
  • خدایه! ما د ډبرې په څېره ویړه کړه او د غنم په څېر مې پاڅوه.
  • که غواړې پر نړۍ حاکم شې، نو عقل دې پر ځان حاکم کړه.
  • ښايست مینه نه زېږوي بلکې مينه ښايست زېږوي. 
  • نېکي ټول شیان په ګونډو کوي، خو پخپله ماته نه خوري.
Related Articles

How to write a summary of an Essay

A summary is a brief statement of the main points of an essay or story. To write a good summary, you need to follow certain rules. 1- A summary should be one paragraph in length.2- A summary should have a topic sentence that states the main idea of the essay you are reading. It should also include the author’s first and last name.3- A summary shou...

په ودانیزو چارو کې د هیمپ کارونه

په ودانیزو چارو کې د هیمپ کارونه پیلیزه: هیمپ، یا صنعتي هیمپ، د کینابېس سیټیوا کښت بوټانیکل طبقه ده چې په ځانګړي توګه د صنعتي ، مصرفي کارونې او د محصولاتو پراخه لړۍ جوړولو له پاره کارول کېدی شي. د بانس سره یوځای، هیمپ په ځمکه کې ترټولو ګړندي وده کونکي نباتات دي.  دا هم یوه له لومړنیو بوټو څخه و چې 50,000 کاله د مخه د کارونې وړ فایبر ته لېږدول شو...

کابریکا - #لومړۍ_برخه

کابریکا - لومړۍ برخه لیکوال: نعمت الله رحیمي   ۲۰۲۱ز - کالیفورنیا، متحده ایالات د جولای ۱۲مه شپه تیره شوه، دوه دیرش کلن انډریو میلر له خوبه را پاڅید، غاښونه یې وینځل چې مور یې غږ کړ:- انډریو زویه! انډریو په ډکه خوله ځواب ورکړ:- هو مورې! شیبه تم شه درځم څو شیبې وروسته انډریو له خپلې خونې د باندې ووت غږ یې کړ:- هو مورې! اوس ووایه څه دې ویل؟ مو...

Recommended Articles

که دا عادتونه خپل کړئ له غربت څخه خلاصېږئ!

لیکنه ـ ریاض مقامزی دا به سمه خبره وي، چې شتمني له قسمت سره تړلې ده؛ خو دا خبره هم هېڅکله غلطه نه ده، چې ستاسو عادات په دې برخه کې رغنده رول لري. که تاسو هر څومره ډېرې پیسې ولرئ؛ مګر پر مصرف، پانګونې او نورو لاروچارو پوه نه شئ ډېر ژر به مو غربت د کور تر دروازو ورسېږئ. یا که ډېر غریب هم یئ؛ مګر دا لارښوونې عملي کړي، نو ډېر امکان شته، چې له غربت څخه...

په ځوانۍ کې د ويښتانو سپينېدل او درملنه

د ويښتانو سپينېدل اکثراً د زړښت معنا ورکوي نو ځکه خو انسان د خواشينۍ احساس کوي؛ مګر دا لا ډېره خواشينوونکې وي، چې په ځوانۍ کې مو ويښتان سپين شي. په طبیعي توګه د سپين پوستو ويښتان نسبت تورپوستو ته ژر سپینېږي. معمولاً په سپين پوستو کې د ويښتانو سپينېدل د ژوند د څلورمې لسیزې په لومړيو کې پيلېږي، مګر په نورو نژادونو کې دا حالت د څلورمې لسیزې په وروستيو...

خرمهره؛ تاسو یې په اړه څومره پوهېږئ!؟

 لیکوال: لطیف یاد په پخوانیو وختونو کې به خرو ته اوربشې ورکول کیدلې، چې ددغو اوربشو د خوړلو په پایله کې به تر څو کلونو وروسته د خرو د ژبې لاندې  وینه ټینګه  او غلیظه شوه او د یوه مرغېړي (غُدې) بڼه به یې ونیوله. وروسته به یې دغه مرغېړي (غُده) د خرو د ژبې د لاندینۍ برخې نه  د جراحي عملیاتو (آپریشن) په تر سره کولو وویستله او په جوشو شیدو (پیو) کې به...