To start downloading books

Please sign in or create an account.

Ketabton 4 years ago 2,745
ماشومان څنګه کتاب لوستلو ته وهڅوو

ماشومان څنګه کتاب لوستلو ته وهڅوو

زیاتره میندې او پلورنه وايي غواړي اولادونه یې کتاب ولولي، آن که یوه شیبه هم وي. خو دې ته زړه خوري چې ماشومان یې له کتاب لوستلو سره هیڅ مینه نه لري.
خو ښه به دا وي چې تر اندېښنې کولو وړاندې پر هغو لارو چارو فکر وشي چې ماشومان څنګه کتاب لوستلو ته وهڅول شي.
تجربو ښوولې هغه هلکان یا نجونې چې په ماشومتوب کې یې کتاب نه وي لوستی، په لویوالي کې هم ښه کتاب لوستونکي نه وي.
که هر ورځ خپل ماشوم ته چې عمر یې تر شپږو کلونو ټيټ دی نیم ساعت وخت ورکړی نو ښايي خپل ماشوم مو په راتلونکې کې له ستر خطره ژغورلی وي.
کتاب لوستل سربېره پر دې چې د ماشومانو د معلوماتو په ډېرولو کې لویه مرسته کوي، هغوی یوې سالمې بوختیا ته هم هڅوي.
زموږ وړاندیز دا دی چې همدا اوس لاس په کار شی او خپلو بچیانو ته د مطالعې زمینه برابره کړی، هغه کتابونه غوره کړﺉ چې تاسو ته هم په زړه پورې او جالب وي.
د کتاب اخیستلو پر مهال خپله علاقه هم مه هېروﺉ او خپل ماشوم هم له ځان سره کتاب پلورنځي ته بوځی. ځکه د دوی په ذهن کې به له کوچنیوالي د کتاب اخیستلو خاطره پاتې وي.
که د کتاب د لیکونکي په اړه هم ماشومانو ته معلومات ورکړﺉ چې څو کتابونه یې لیکلي، کله چې دغه معلومات ماشومانو ته ورکوﺉ نو هغوی لا ډېر له کیسې سره مله ساتی.
کیسه په آرامۍ لولی، پرېږدﺉ ماشومان ستاسو له کیسې او غږ سره مله پر مخ ولاړ شي.
حتمي نه ده چې کیسې په لیکلې بڼه او ټکی په ټکي ولوستل شي، او خپله لهجه خوږه وساتی.

په دې ډول به ماشومان په صمیمي توګه له کیسې سره ملګري شي. او ددې لپاره چې ستاسو لپاره هم کیسه په زړه پورې وي نو ځینې کلمې له ځانه پکې کارولی شی.
د پېښو او حوادثو پر مهال خپل غږ لږ څه بدل کړﺉ، ځینې وخت کیسه په چټکۍ او یا هم ورو ولولی ځکه د ماشومانو پام به لا ډېر درواوړي.
که ماشومان غواړي چې د کتاب عکسونه وګوري او یا هم د لوستلو پر مهال د کتاب کرښو ته ګوري پر هغوی مه په غصه کیږﺉ. هغوی ته وخت ورکړﺉ. زیاتره کوچني ماشومان ورته کارونه کوي.
پرېږدﺉ ماشومان د کتاب لوستلو پر مهال ستاسو څخه پوښتنه وکړي، له هغوی سره آرام چلند وکړﺉ، پوښتنو ته یې نه په ډېره جدي او نه هم په ملنډو ځواب مه ورکوﺉ.

Related Articles

د لویو بریاوو لپاره کوچني ګامونه!

ليکنه ـ ریاض مقامزی   تاسو چې خپل شاوخوا ته کوم بريالي کسان وينئ، هغوی هم ستاسو په څېر انسانان دي؛ خو توپير مو دومره دی، چې هغوی بریالي او تاسو افسوس کوونکي یئ. افسوس مکوئ! يوازې ځينې کوچني عادتونه خپل کړئ، ترڅو يوه ورځ د هغوی په څېر تاسو هم بریالي او کاميابه کسان اوسئ. که غواړئ پخپل ژوند کې ژر مثبت بدلون حس کړئ او د بریا تر لوړو پوړیو ورسېږئ؛ نو...

د "ابو علي سينا بلخي" ژوند او فن

ابو علي سينا بلخي د ختيز نابغه، ستر فېلسوف او تکړه عالم شېخ الريس ابو علي سينا بلخي د ګران هيواد افغانستان په ( خردميشن ) کې چې د بلخ له توابعو څخه و په    ۳۷۰ کال کې د عبدالله سينا په کور کې زيږېدلی دی. د ده پلار عبدالله سينا د سامانيانو په دربار کې د مالياتو مسول و. نوموړي د خپلو زامنو علي، حسين او محمود پالنې او روزنې ته ډېره پاملرنه درلوده. ل...

ولې د فبرورۍ 21مه نېټه د مورنۍ ژبې نړېواله ورځ ټاکل شوې ؟

د مورنۍ ژبې نړېوالې ورځې نظرېه او نوښت د بنګلدېش د تاريخ سره مخامخ اړيکه لري او د همدې هېواد په غوښتنه رامېنځ ته شوې ده . 1947 کال کې له برتانوي هند څخه ېوه برخه جلا او د پاکستان نوم پرې کېښودل شو چې اوسنی بنګلدېش هم د همغه نوي هېواد ېوه برخه وه او ختيز پاکستان ېې ورته وېل . که څه هم چې بنګالېانو خپله ژبه لرله خو پر هغوي باندې د پاکستان رسمي ژبه (...

Recommended Articles

که دا عادتونه خپل کړئ له غربت څخه خلاصېږئ!

لیکنه ـ ریاض مقامزی دا به سمه خبره وي، چې شتمني له قسمت سره تړلې ده؛ خو دا خبره هم هېڅکله غلطه نه ده، چې ستاسو عادات په دې برخه کې رغنده رول لري. که تاسو هر څومره ډېرې پیسې ولرئ؛ مګر پر مصرف، پانګونې او نورو لاروچارو پوه نه شئ ډېر ژر به مو غربت د کور تر دروازو ورسېږئ. یا که ډېر غریب هم یئ؛ مګر دا لارښوونې عملي کړي، نو ډېر امکان شته، چې له غربت څخه...

بي دوه پنځوس" څه ډول الوتکې دي؟"

ژباړه ـ ریاض مقامزی په هېواد کې د جګړو له پراخوالي سره سم امریکايي ځواکونو اعلان وکړ، چې د بي.۵۲ الوتکو پر مټ به پر تالبانو هوايي بریدونه وکړي؛ همداسې وشول او په بېلابېلو سیمو کې یې د وسله والو تالبانو ډلې په نښه کړې. خو اوس پوښتنه دا ده، چې بي ـ ۵۲ څه ډول الوتکې دي او کومې ځانګړتیاوې لري؟  ددې لیکنې تر پايه به مو دواړه پوښتنې حل شي.    ځانګړتي...

کوم ډول خلک بايد کېله ونه خوري

که څه هم کېله ځيني ګڼې ګټي لري خو دغه ميوه ځينې عورايض او تاووانونه هم لري.چې په لاندي ډور ورته اشاره کوو. دغه خوږ ميوه د خپل ځانګړي خوند، او نرموالي له امله په ټوله نړۍ کې مشهوره ده. ګېله کوم ډول زيانونه لري. ۱: د وزن زياتوالی دـ ځينو نورو خوړو په څير کېله هم پريمانه کالوري لري چې د وزن د زياتوالي لامل کيږي په هره متوسطه کېله کې ۱۰۵ ګرامه کالو...