To start downloading books

Please sign in or create an account.

هيله بخښونکې جملې

هيله بخښونکې جملې

د انسان جوړښت داسې دی، چې د بې وسۍ، مجبوریتونو، کړاوونو او نورو ستونزو له کبله خپل هوډ او قوت له لاسه ورکوی او یا کمزوری کېږي. خو له نېکه مرغه ددې ځواک د بېرته ترلاسه کولو لارې شته.

د ژوند په داسې سختو شرایطو کې باید د چا خبرې او نصحیتونه واورئ، ترڅو بېرته قوت پيدا کړي او د ستونزو پر وړاندې قوي اوسي. دا لیکنه پر همدې موخه کښل شوې ده او تاسو ته ډېره انرژي او ځواک درکولای شي. 

 

هيله بخښونکې کرښې

ايا زړه مو غواړي پوه شئ، چې د ژوند په مستقيمه لاره روان يئ؟

ايا غواړئ هوسا ژوند ولرئ او په مشکلاتو برلاسي واوسئ؟

 

۱_ليدل او اورېدل مو وڅارئ

اجازه مه ورکوئ د ژوند ستونزې مو شاته وغورځوي، هيلو ته هغه کس و اوسئ چې په تمه يې وئ. پرېکړه وکړئ او لاس په کار شئ، خپلو تېروتنو ته اندېښنه مه کوئ!

که زر ځلې هم ناکام شوئ، په حقيقت کې مو زر مختلفې لارې وازمويلې او له زړه پوهېږئ، چې خپله هڅه مو کړې ده.

هر کار مو چې له لاسه راځي ويې کړئ، هر چېرې چې غواړئ لاړ شې لاړ شه، هيلې مو په ډېر خلاص نظر څارئ. د موخو لپاره مو کوښښ وکړئ، مه مايوسه کېږئ. د هيلو جاده مو له ډېرو ستونزو او موانعو ډکه ده. موانع مو له لارې لرې کړئ زړه او جرئت په کار واچوئ. د جادې په اخر کې کاميابي ستاسو په تمه ده.

 

۲_ پر ځان ووياړئ

تاسو د خپل ځان مهم نقاد او نږدې ملګري یئ، کله مو چې په ځان ووياړه، په ژوند کې با هدفه کېږئ. په دې صورت کې هغه لاره ټاکئ، چې د خدای ج په رضايت ختمېږي او نورو ته يو ايډيال ګرځئ. 

دقت وکړئ، چې په څان فخر کول د مغرورۍ په معنا نه ده. بلکې پدې معنا ده، چې ځان ته په امورو کې پابند کس په توګه قايل يئ. تاسو بې عيبه کس نه يئ، خو د احترام وړ کس يئ. 

تاسو د ژوند د کتاب ليکونکي يئ، نو د خپل برخليک قلم په لاس کې واخلئ او خپلې معنوي کيسې وليکئ. خدای ج پوهېږي چې د څومره خلکو زړونه غواړي ستا ځای ونيسي نو پر ځان ووياړه! 

 

۳_ تاسو د بدلون سبب یئ

هڅه وکړئ، هر کار چې کوئ يو مثبت بدلون منځ ته راوړئ.

ايا دا به حقيقت ولري چې يوازې نورو سره د مرستې له لارې ژوند ته خوشحالي راوړلای شو؟

ځواب مثبت دی. کله چې تاسو د بل چا په ژوند تاثير ولرلای شئ، نو داسې کار وکړئ چې نور خوشاله کړئ. 

 

۴_ خوشاله او شکر کوونکي واوسئ

ستاسو خوشالي دننه ده. ستاسو فکر تاسو ته خوښي درکوي  يوازې ستاسو نظر اړين دی، چې دنيا ته تغير ورکولای شي. شکر کوونکی اوسېدل د خوشالۍ ضامن دی. 

 

۵_ د خپل وخت په قدر پوه شئ

وخت د ژوند تر ټولو مهم څيز دی. عمر مو بې ځايه مه تېروئ. ژوند کې هدف پيدا کړئ، پلانونه ونيسئ او سم يې مدیريت کړئ. 

وخت تاسو ته په اختيار کې درکړل شوی دی. نه شئ کولی ويی ساتئ خو کولای شئ، استفاده ترې وکړئ. نو پرېږدئ، چې هيلې مو له ډار نه ډېرې لوړې واوسي.

 

۶_ له ځان سره په رښتينې څېره واوسئ

په هره هغه اړيکه کې چې غواړئ، پرمختګ وکړئ رښتينی اوسئ. تاسو يوازينی کس يئ، چې کولی شئ په ځان حساب وکړئ.

همېشه د حقيقت په لټه اوسئ او ځان په سمه معنا وپېژنئ. په دې صورت کې کولی شې په ژوند کې مستقيمه لاره تعقيب کړئ. 

 

۷_ نورو سره په مينه اړيکه وپاله

نورو سره په اړيکه کې فاصله مهمه نه ده، بلکې مينه او عاطفه مهم نقش لوبوي. له چا سره چې خوشاله وئ، په اړيکه کې اوسئ، خبرې ورسره وکړئ او هغوی درک کړئ. 

 

۸_ د ژوند په ټولو پړاوونو کې مسول اوسئ

تاسو د انتخاب او اشتباه حق لرئ. کولای شئ، هغه څه انتخاب کړئ. چې په سلو خطاوو کې ناڅيز وي.

که مو د ژوند فرمان په لاس کې وانخيست يو بل څوک به ستاسو پر ځای دا کار وکړي بيا. ددې پرځای چې تاسو د ځان مالک شئ، د بل چا اسير او غلام به وئ. نو بايد په هر حال مسوليت منونکي واوسئ او د ژوند د موانعو په وړاندې غالب شئ.

 

۹_ مه پښېمانېږئ

هر هغه کار مو چې د ژوند د خوشالۍ لپاره له لاسه کېږي ويې کړئ. له هغه چا سره راشه درشه وکړئ، چې تاسو ته خوشالي درکوي. تر اخري نفس پورې وخاندئ. په هر حال د خدای ج شکر وکړئ، له اشتباهاتو عبرت واخلئ او کوم څه مو چې نه شوای کنټرول کولی پرېږدئ یئ. 

 

خالقداد همت

Related Articles

مک بوک کمپیوټرونه Mac Book

د MacBooks لپټاپونه: د ټکنالوژۍ شاهکار چې افغانستان کې یې نوی شهرت ترلاسه کړئ: * د ډیر دوستانو په غوښتنه مو د Apple د مشهور تولید MacBook په اړه معلومات راټول کړل، له نورو سره یې شریک کړئ ترڅو ټولو ته ورسېږي! د MacBooks لپټاپونع د اپل کمپنۍ مشهور لیپټاپونه دي چې په نړۍ کې د ټکنالوژۍ یو له پرمختللو وسایلو څخه شمېرل کیږي. د لوړ کیفیت ډیزاین، چټک پر...

د افغان داستاني ادبياتو منځپانګه

  لیکنه: وقار ابراهیمي عموماً د هر ټولنې ادبیات یوازې او ټول مسایل یې د فکري ځواک په بنسټ نه رامنځ ته کېږي، د طبیعت داسې ډېر اړخونه شته چې د ځآنګړې پاملرنې وړ ګرځي او انسان دې ته هڅوي تر څو د قلم څوکه د طبیعت په دې ځانګړینو په مثبت او منفي ډول وخوځوي. او همداسې نور ډېر د اړتيا په بنسټ هم لیکل شوي دي. • داستاني ادبیات چې د یو ټولنې په مهمو هغه ک...

په اروپا کې د الحاد پیل؟

په_اروپا_کې_د_الحاد_پیل؟ د اسلام په ټول تاریخ کې اسلام له داسې مشکلاتو سره نه دی مخامخ شوی لکه اروپا چې د خپلو غلطو عقایدو له امله ورسره مخامخ شوې ده. یو له لویو ستونزو څخه د دین، مذهب او ساینس تر منځ سخت اختلاف و. مذهب له ساینس سره دومره وحشیانه ټکر وکړ چې کلیسا ډیری ساینس پوهان ژوندي وسوځول او دوی یې د خپل مقدس کتاب پر ضد وبلل. د کلیسا د غړو دغه...

Recommended Articles

عثمان کاکړ څنګه ووژل شو؟

پښتونخوا ملي عوامي ګوند ادعا کوي چې د دغه ګوند صوبايي مشر عثمان خان کاکړ وژل شوی دی او دوی سره دې لړ کې کافي ثبوتونه شته. یو شمېر نورو ځايي سیاسي ګوندونو هم د یاد ګوند ملاتړ کړی او د بلوچستان صوبايي حکومت وايي، د پېښې په هکله به څېړنه کوي. د یادونې ده چې د روانې جون میاشتې پر ۱۷ نېټه ویل شوي و، چې د عثمان خان کاکړ سر سخت ټپي شوی دی. له پېښې وروست...

د وينا پر مهال د وېرې او فشار ختمول

لیکنه ـ ریاض مقامزی دا چې موږ انسانان ټولنيز ژوند لرو، نو اړ یو چې د خپلو اړتياوو او مفکورو د وضاحت لپاره وغږېږو. خبرې کول زموږ د ژوند په هره برخه کې لیدل کېږي. په کور، کلي، دکان، ښار، مکتب، ښوونځي او ګڼو نورو ځايونو کې موږ خبرې کوو او خپل پپغام نورو ته رسوو.   ځينې خلک بیا د خبرو او وينا پر مهال تر وېرې او فشار لاندې وي. نه شي کولای خپل پيغام او...

کوټه سنګي ته ولې کوټه سنګي وايي؟

ځینې کسان په دې اند دي چې د کوټه سنګي نوم اصلا د هغې ډبرېنې کوټې څخه اخیستل شوی دی چې یو وخت په میرویس میدان کې جوړه شوې وه.ویل کیږي کله چې د دغه ځای د سړکونو کرښې وکښل شوې د سړکونو د تقاطع په نقطه کې یعنې په څلور لارې کې د ساتونکي لپاره د ډبرو یوه خونه جوړه شوه له همدې امله دا سیمه په کوټه سنګي یا د ډبرو د کوټې په نوم ونومول شوه.خو اصلا د دې  سیمې...