To start downloading books

Please sign in or create an account.

Obaidullah Ahmadzai 3 years ago 1,625
اهداف څنګه وټاکو؟

اهداف څنګه وټاکو؟

مشهور کمیډین چارلي چاپلېن به ویل:
«که بې هدفه لهٔ خوبه راپاڅېدې، ښه دا ده چې بیا ویده شې!»
دا چې اهداف تر لاسه کول دومره مهم دي، نو ولې یې پهٔ تر لاسه کولو کې پاتې راځو؟
د دې لپاره به ساده ځواب دا وي، چې مونږ د اهدافو د تر لاسه کولو لپاره منظم پلان نهٔ لرو.
دلته ځینې هغه لارې- چارې زده کوو، چې د اهدافو د ټاکلو او تر لاسه کولو لپاره اړینې دي:

۱- د هغو پایلو پهٔ اړه فکر وکړئ چې تاسې ورته پهٔ تمه یئ.
د هدف لهٔ ټاکلو مخکې اول د هغه څهٔ پهٔ اړه فکر وکړئ چې تاسو یې د تر لاسه کولو هڅه کوئ. لهٔ ځان نه وپوښتئ:
آیا دا هغه څهٔ دي چې زهٔ یې غواړم؟
آیا دا اهداف پهٔ دې ارزي چې وخت او انرژي پرې ضایع شي؟
دا دوه پوښتنې ځوابول درسره دا مرسته کوي، چې مهم، اړین او هغه اهداف معلوم کړئ چې تاسې ته حق اولیت لري.

۲- معیاري اهداف
اهداف باید مشخص، د اندازې وړ، تر لاسه کېدونکي، واقعیت لرونکي او د وخت پابند وي.
مثلاً ډېری کسان د وزن کمولو لپاره اهداف ټاکي، مګر دوی دا نهٔ مشخصوي چې دوی څومره وزن کموي، او دا اهداف پهٔ څومره وخت کې تر لاسه کول غواړي. یو ځانګړی (معیاري) هدف باید داسې وي:
«زهٔ غواړم د نومبر تر لسمې ۱۵ کیلو وزن کم کړم.»
دا هدف تاسې ته د وزن کمولو دقیق مقدار او د هغه د تر سره کولو وخت پهٔ ګوته کوي.

۳- خپل اهداف نوټ کړئ.
کله چې خپل اهداف ولیکئ، دا بیا سړي ته ریښتیني او د حس کېدو وړ ښکاريږي، که یواځې یې پهٔ خپل ذهن کې وساتئ، نو یو ناڅرګند نظر پاتې کېږي.
شخصي اهداف مو پهٔ کمپیوټر، سمارټ فون یا د آئینې په ښیښه پهٔ یو کوچني کاغذ ولیکئ.
د ټیم اهداف مو د کارځای پهٔ مېز، یا مېز ته څېرمه دیوال باندې پهٔ نوټ کړئ.

۴- د عمل پلان جوړ کړئ.
ډېری خلک اهداف ټاکي، مګر هېڅکله یې د تر لاسه کولو لپاره عملاً کار نهٔ پیلوي، تر څو دا مشخصه کړي چې دا اهداف به څنګه تر لاسه کوي؟
د عمل پلان مهم ګام دی، عملاً لاس پهٔ کار شئ، قدم پهٔ قدم مخکې لاړ شئ. کار وکړئ، هدف تر لاسه کړئ.

Related Articles

ښځینه غوره دي که نارینه؟

ښځینه غوره دي که نارینه؟ ښځینه او نارینه نه یوازې په بیولوژیکي لحاظ، بلکې په رواني لحاظ هم متفاوت خلق شوي دي. د تاسې په فکر، خدای له دې دواړو څخه کوم جنس غوره پیدا کړی دی؟ د دوی ترمنځ توپیرونه په دې لیکنه کې ولولئ او پرېکړه وکړئ. د ښځینه و او نارینه و ترمنځ له بیولوژیکي/ جسمي توپیر وراخوا یو شمېر رواني توپیرونه په دې توګه دي:  - د ښځینه و تشریف...

ناقل و منقول

ناقل و منقول مصطفی عمرزی به باور اکثر افغان های فعال در عرصه ی سیاست و اجتماع، اگر ضعف های آشکار بعضی از به اصطلاح رهبران ما نمی بود، مسایلی به اهمیت ملی، متنازع نمی شدند تا در بازار آن، جلوتر از همه، بعضی از به اصطلاح نماینده گان ما ابله شوند و با توجیه ناهنجاری ها، دست آویز بسازند.  در این مقال، باز هم مثالی از کوته اندیشی بعضی از به اصطلاح نم...

په رواني لحاظ د روغو ماشومانو ځانګړنې

  ژباړه ـ ریاض مقامزی تاسو چې له خپلو ماشومانو سره هر ډول چلند کوئ او یا یې روزئ، مستقیماً د هغوی پر شخصیت او روان تأثیر کوي. یعنې ستاسو هره کړنه د هغوی پر روان ځانګړی اغېز لري. له ماشومانو سره په چلند، راکړه ـ ورکړه، خبرو او لوبو کې پوره غور او دقت په کار دی. که په دې ټولو برخو کې پوره دقت وشي، نو ټولنې ته به سالم وګړي وړاندې کړو. ځينې کورنۍ د...

Recommended Articles

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته بيا بېرته خپل ټول تاثير له لاسه ورکړي، د هورمونونو تاثير د زيات وخت لپاره دوام کوي. د انسان په بدن...

په ځوانۍ کې د ويښتانو سپينېدل او درملنه

د ويښتانو سپينېدل اکثراً د زړښت معنا ورکوي نو ځکه خو انسان د خواشينۍ احساس کوي؛ مګر دا لا ډېره خواشينوونکې وي، چې په ځوانۍ کې مو ويښتان سپين شي. په طبیعي توګه د سپين پوستو ويښتان نسبت تورپوستو ته ژر سپینېږي. معمولاً په سپين پوستو کې د ويښتانو سپينېدل د ژوند د څلورمې لسیزې په لومړيو کې پيلېږي، مګر په نورو نژادونو کې دا حالت د څلورمې لسیزې په وروستيو...

خرمهره؛ تاسو یې په اړه څومره پوهېږئ!؟

 لیکوال: لطیف یاد په پخوانیو وختونو کې به خرو ته اوربشې ورکول کیدلې، چې ددغو اوربشو د خوړلو په پایله کې به تر څو کلونو وروسته د خرو د ژبې لاندې  وینه ټینګه  او غلیظه شوه او د یوه مرغېړي (غُدې) بڼه به یې ونیوله. وروسته به یې دغه مرغېړي (غُده) د خرو د ژبې د لاندینۍ برخې نه  د جراحي عملیاتو (آپریشن) په تر سره کولو وویستله او په جوشو شیدو (پیو) کې به...