د کامیابۍ خبرې

ليکنه ـ ریاض مقامزی  

که په ژوند کې د پرمختګ، بریا، خوښۍ او سکون په لټه کې یئ؛ نو دا لارښوونې تل په یاد ولرئ او عمل پرې وکړئ. 

• د "خلک به څه وايي؟" مفکوره ختمه کړئ.
• له ډېرو خبرو ځان وژغورئ.
• مسکا خپل عادت وګرځوئ.
• تل یوه اندازه پیسه سپما کوئ، ترڅو په سخت وخت کې مو پکارې شي.
• د تقلید پر ځای تخلیق ته کار وکړئ.
• هره ورځ مطالعه کوئ. البته که ډېره لږه هم وي؛ خو بايد هره ورځ وي. 
• صحي خواړه وخورئ. سبزيجات او مېوې تر ټولو ښه انتخابونه کېدای شي.
• حتما ورزش کوئ. د ورځې نیم ساعت منډې وهل هم کفايت کوي.
• له خپلو خطاوو زدکړه وکړئ.
• د ورځې نیم ساعت او یا هم یو ساعت تفکر ته بېل کړئ.
• د نورو په عیبونو پسې مه ګرځئ.
• خپلې کمزورۍ معلومې کړئ او ختمولو ته یې مټې راونغاړئ.
• که نړۍ بدلوئ نو اول خپل ځان بدل کړئ.
• هېڅکله په احساساتو کې پرېکړه مه کوئ.
• د هر چا د خوشحاله ساتلو هڅه مکوئ.
• د "نه" ویلو هنر زده کړئ.
• که خپل درنښت غواړئ، د نورو احترام هم کوئ.