پخوا به هغه کسانو چې مورنۍ ژبه یې انګلیسي وه د نور خلکو د انګلیسي لیکنو له اصلاح ډېرې پیسې ترلاسه کولې. ما خپله د تېزیس په اصلاح چې کره هم نه وه پیسې ورکړې دي. ChatGPT تر ټولو لومړی د همدغو کسانو کاروبار ختم کړ. ځکه تر هغو ښه او په مسلکي ډول متن اصلاح او کیفیت یې لوړوي. تازه د Elsevier ژورنالو او کمبریج پوهنتون منلې چې څېړونکې د مقالو متنونه په AI سیسټمو اصلاح کولی شي. سپارښتنه یې دا کړې چې د مقالو په پای کې د AI کارول تصدیق شي ځکه دا رېښتنولي او شفافیت راولي.
تاسو هم د ChatGPT له کارولو خوند واخلئ!
په افغانستان کې د دې سیسټم فعالول په لاندې طریقه بیخي اسانه دي، VPN او بل هېڅ سافتویر ته اړټیا نشته.
په افغانستان کې د ChatGPT اسانه فعالول:
لاندې پیغام نېژدې ټولو هغو ملګرو لیدلی چې په افغانستان کې یې له VPN پرته د ChatGPT فعالولو هڅه کړې. زما په اند علت یې دا دی چې د OpenAI سیسټم د افغانستان مخابراتي شبکو ته کوډ نشي لېږلی او یا یې هم د بندیزونو له کبله عمدا نه لېږي. خو دا ستونزه په ډېره اسانۍ بای پاس کېږي. هغه دا چې دغه مرحله کې د کوم ملګري نمبر چې بهر اوسېږي ورکړئ، او هغه ته د ChatGPT لخوا لېږل شوی کوډ بیا راتلونکې مرحله کې ورکړئ. بس سملاسي ستاسو اکونټ فعالېږي. جالبه خو دا ده چې په یو نمبر، بې شمېره اکونټونه فعالېدی شي. همدا نن ما تجربه کړ، په یو نمبر دوه د ChatGPT اکونټونه فعال شول.
بهر مېشتو ملګرو پسې مسجونه وکړئ، یا یې د واټس اپ نمبر ChatGPT ته په دې مرحله کې ورکړئ. هغه چې کوډ ورغی، تاسو ته یې دې درکړي، څو یې تاسو بله مرحله کې ورکړئ.
البته زه په دې برخه کې مرسته نه شم کړی!
نوټ: د یادولو وړ بولم چې ChatGPT قوي انټرنټ غواړي. په ضعیف انټرنټ ممکن کار ونکړي.
#ChatGPT #pashto