To start downloading books

Please sign in or create an account.

Yasir Takal 4 years ago 2,319
د بریالیتوب رازونه!

د بریالیتوب رازونه!

هر څوک غواړي بریالې اوسې، دا ډیره ښه او عالې هیله ده، دغه هیلي ته رسیدل کوم نابغه توب، جادو، منتر یا معجزه نه غواړي، یوازې یو څه زحمت او د یو څو ساده کارونو ترسره کول غواړي.

دلته په څو هغه لارو چارو غږیږو که عملې شي د بریالیتوب تضمین مو کیدلی شې:

ویره او ډار له زړه وباسئ؛ یو عالم وایې" کله چي د ممکن په معني وپوهیدم نو پوه شوم چي ناممکن هیڅ معني نه لري" نو که کله په ژوند کي له ډیرو سختو کارونو سره مخ شئ، هیڅکله داسې مه وایې چې دا کار سخت دی یا کیدل یې ناممکن دي، یا زه یې نشم کولای.

ارادې قوي وساتئ:که غواړئ، چې په ژوند کې بریالي اوسئ، نو تل پر ځان باوري اوسئ او خپل هوډ کلک وساتئ. کوم څه چې تیر شوي د هغه په اړه فکر مه کوئ، تیر هیر کړﺉ او د نوي ژوند په اړه فکر وکړئ.

نن هغه کار وکړئ چی مهم دی: تاسو ته به ډیر کوچني کارونه پراته وي، خو کوچني کارونو لپاره کم وخت ورکړئ او په بېړه یې ترسره کړئ تر څو وخت مو زېرمه شې. مهم یعنی؛ چی سبا نه تکراریږي او همدا نن یی ورځ وي. نو هغه کار نن وکړئ چی سبا ورته لاسرسی نه کیږی.

خپلې غلطۍ ومنئ: هیڅکله نور د خپلو ماتو په خاطر مه ملامتوئ. بلکې پر نورو دملامتیا اچولو پر ځای فکر وکړئ چې څه ډول کولای شئ ترسره يې کړئ. عادي انسانان تل هڅه کوي خپل مسولیت د نورو په اوږو ور واچوي اما بریالي کسان تل د خپلو کړنو مسؤلیت په غاړه اخلي. لاندي منفي شیان له ځانه لري کړئ:

- په خپل ځان شک مه کوئ 
- منفي فکرونه شاته وغورځوي
- د ناکامۍ ویره مو له ذهنه وباسئ 
- په نورو انتقاد کول کم کړئ
- کارونو ته نن او سبا کول او د هغو ځنډول پریږدئ 
- برياليتوب ته اندیښنه کول پریږدئ او پر ځای یې د بریا لپاره مبارزه وکړئ 
- د ناکامۍ په اړه اندیښنه مه کوئ؛ بلکې د هغه فرصتونو په اړه اندیښنه وکړئ چې له لاسه مو ورکړل او یوځلې مو هم د هغو د ترسره کولو هڅه هم ونه کړه.

لومړنئ ماتې مو د دوهم ځل لپاره فرصت وګڼئ: که په لومړي ځل پاتي راغلئ نو مه ناهیلي کیږئ ځکه لومړنئ ماتې د دوهم ځلې پیل لپاره ښه فرصت دی، دا ځل یې ښه په هوښیارئ پیل کړئ، دلومړئ ماتې تر ټولو غوره ټکی دا دی چې دا ځل موږ تر لومړي ځل په خلاصو سترګو پرېکړه کوو او لوری ټاکو. له ماتې وروسته باید موږ تیار اوسو او د هغو درسونو له مخې حرکت وکړو، چې له ماتې څخه مو زده کړي دي. کله،کله خپله لاره بدله کړئ: ډیر شمیر کسان فکر کوی په هغه لار چې مخکې پرې روان و د بریا لپاره یواځینئ ده، او پرته له دې لارې نه شي کولای خپلو هدفونو ته ځان ورسوي. مګر بریالي خلک تر ډيره دا ډول نه دي او دوی نړۍ په هماغه بڼه چې ده مني یې. دوی ټول هغه بدلونونه چې مخې ته یې راځې قبلوي او له ټولو شته امکاناتو د خپلې بریا لپاره استفاده کوي. دا هم سمه ده چې بدلون باید په دوامداره او هر اړخیزه توګه نه وي، خو مه هیروئ چې بدلون او انعطاف د بریا کلي ده.

خپل هدفونه معلوم کړئ: تاسې چې په هر ځای او هره برخه کي کار کوئ حتمي ده چي خپل اهداف وټاکئ، ځکه بې هدفه کسان مجبور دي چې د تل لپاره د هدف لرونکو کسانو لپاره کار وکړي. دسترو هدفونو ترڅنګ وړي موخې هم وټاکئ که چېرته لوړو هدفونو ته ونه رسیدئ نو وړوکي خو به ترلاسه کړئ.

د بریا لپاره په ذهن کي تصورات جوړ کړئ: تاسو چې هر ډول فکر کوئ، په حقه یاست له ډیره وخته دا تصور عام شوی چې ټولې بریاوې په اصل کې له ذهنه پیلېږي. په عمومي ډول دغه تصور اوس په یو واقیعت بدل شوی چې بریا او ماتې دواړه لومړی زموږ په ذهن کې جوړښت مومي، ان تر هغه مخکې چې پر واقعیت بدل شي. په دي اړه افلاطون ویلي: «هر شی دوه ځله خلق کېږي. یو ځل په ذهن کې او بل ځل له ذهنه د باندې. نو د بریالي حرکت لپاره لومړۍ موخه باید دا وي چې له ذهني اړخه باید ورته د یوه بریالي حرکت په سترګه وکتل شي. هغه مسیر په خپل ذهن کې ترسیم کړئ. دغه کار به درته د مثبتې پایلې ضمانت وکړي».

بهانه مه کوئ: بهانه کول ځان ته په یو قسم دوکه ورکول او په خپله د خپل ځان تیریستل دي. دا عات لري کړئ ځکه دا عادت د بریالتوب په وړاندي ستر خنډ دی، کامیاب خلک بهانه نه کوي او نه هم د نورو د ملامتولو کوښښ کوي، بلکي د دي هر څه پر ځای هغوې مسولیت مننونکي وي او د بیځایه بهانو او دلایلو په ځاې، خپلې نیمګړتیاوې درک کوي او د هغې د اصلاح لپاره وسایل لټوي.

پوه شئ چې له ژونده څه غواړئ: کله چي وپوهیږئ چي له ژونده څه غواړئ او غواړئ چې په راتلونکې کې څه جوړ شئ، دا کار د بریالیتوب یو راز دی، کله چې دا کار ترسره کړئ په ځان کې نوې او ځواکمنې وړتیاوې پيدا کوئ چې تاسو د بریا په لور رهنمایې کوي.

له ستونزو مه ویریږئ: لیدلي به مو وي هرکله چي قلفونه جوړيږي ورسره یې کیلۍ هم جوړیږي، همدې ته ورته خدای پاک څوک په داسې مشکلاتو کې نه ایساروي، چې حل لاره ونه لري؛ فقط دومره ده چي چې صبر ولرو تر څو حل لاره یې پیدا کړو.

د خپل قوت او کمزورتیا ټکې وپیژنئ: هر څوک د خپل ځان قوي او کمزورې نقطې پیژني او دا هغه څه دي چې د چا په استعداد او یا سخت کار او مطالعې پورې اړه نه لري. ځکه هیڅوک هم بشپړ او کامل نه وي. پوه او هوښیار خلک کولای شي، خپل کمزوري ټکي مشخص کړي او په ډیره آسانۍ سره یې د خپل ځان د قوت په توګه راښکاره کړي. نو باید خپل کمزوري ټکي مو د خجالت لامل ونه ګرځي، بلکې ځینې وختونه کمزوري ټکي د قوت له ټکو سره همکاري کوي. له پورته ذکر شوو لارو پرته نوري هم ډیري لارې، چارې شته،که په سمه توګه عملي شي؛ د بریالتوب هیله مو په حقیقت بدلولی شې.!

Related Articles

خپل مسوولیتونه درک کړئ

تاسو چې په خپل ژوند کې څه ډول مقام لرئ، یا څه ډول یاستئ، دا هرڅه تاسو په خپله ترسره او مسوول يې يواځې تاسو یاستئ. ستاسو نننی ژوند ستاسو د تېرو خیالاتو او عمل پایله ده، ستاسو خیالات او احساسات ستاسو په واک کې دي، څه ډول کار ترې اخلئ، پرېکړه یې هم په خپله ترسره کړئ. تاسو چې څه ډول سوچ یا فکر لرئ، خو مسوول يې تاسو یاستئ، د بریالیو او ناکامو خلکو ترم...

مسجدالاقص او ژیړ رنکه ګنبده فرق

په بیت المقدس کې د مسجد قبة الصخره ګنبده د اسلامي معمارۍ په تاریخ کې تر ټولو لرغوني ګنبده ده چې په ۷۲ هجري کال کې جوړه شوي.یوه یادونه باید وکړم ځیني ملګري ژیړ رنګه ګنبده د مسجد الأقصی په نوم یادوي پداسې حال کې چې اصلاً دغه د قبة الصخرة ګنبدې په نوم یادیږي، له کوم ځایه چې رسول اللهﷺ معراج ته تللی وه، او بله تور رنګه ګنبده ده چې په واقعیت کې همدغه د...

Point of View in Story

Stories can be told from different points of view; the point of view depends on who is telling the story. If the narrator is a character in the story, the pronoun in the text is usually "I". This is called first-person narrator. If the narrator is a voice that seems to to know what just one character is doing, then the point of view is called third...

Recommended Articles

د وينا پر مهال د ويرې ختمولو 27 ګټورې لارې

هغوى چې په سټيج باندې عونډو، سيمنارونو، ټولګي او حتى د ملګرو سره په مخامخ خبرو پر مهال ويره احساسوي دوى عمومآ د Glossophobia په اروايي ناروغۍ اخته دي، چې د خبرو دغه ويره د مرګ له ويرې هم سخته ده چې ستاسو مسلکي او شخصي ژوند زيان رسولى شي. ددغې ويرې پر مهال ستاسو بدن ريږدي، لاسونه مو خولې کيږي، زړه ضربان مو زياتيږي، چې په تجارت او د ژوند په نورو اړخ...

د حافظې د پیاوړتیا څو لارې

هغه حقیقت چې د عمر په زیاتېدو سره حافظه له منځه ځي، دلیل نه شي کېدای چې ونه شو کولی د له منځه تللو طریقه یې ډېره سسته کړو. څېړنو ښودلې ده چې موږ کولی شو د امکان تر حده حافظه وساتو، اجازه راکړئ دغه عملي لارې وسپړو.  د حافظې د قوي کېدلو څو لارې  ژور فکر وکړئ چې فعاله حافظه مو بهتره شي: فعاله حافظه تقریباً ستاسو د مغز د یادښت کتابچه ده، چېرته چې نوي...

کوم ډول خلک بايد کېله ونه خوري

که څه هم کېله ځيني ګڼې ګټي لري خو دغه ميوه ځينې عورايض او تاووانونه هم لري.چې په لاندي ډور ورته اشاره کوو. دغه خوږ ميوه د خپل ځانګړي خوند، او نرموالي له امله په ټوله نړۍ کې مشهوره ده. ګېله کوم ډول زيانونه لري. ۱: د وزن زياتوالی دـ ځينو نورو خوړو په څير کېله هم پريمانه کالوري لري چې د وزن د زياتوالي لامل کيږي په هره متوسطه کېله کې ۱۰۵ ګرامه کالو...