To start downloading books

Please sign in or create an account.

د ملګرو په انتخاب کې کومو ټکو ته پام وکړو!؟

د ملګرو په انتخاب کې کومو ټکو ته پام وکړو!؟

دا چې انسان ټولنيز موجود دی نو تل له نورو سره اړيکو ته اړتيا لري. په دې ډله کې ملګري هم له يوه ځانګړي ارزښت څخه برخمن دي. موږ او تاسو ټول له کورنۍ او خپلوانو وروسته، اړ یو چې له ځينو ملګرو سره هم اړيکې لرو. خو د ملګرو په ارزښت او د هغوی په ټاکلو کې د مهمو ټکو په اړه ډېر کم خلک پوهېږي. موږ دا لیکنه همدې موضوع ته ځانګړې کړې ده.

 ملګري او پرمختګ

آيا پوهېږئ، چې څو کاله وروسته به په کوم موقف کې یئ!؟ ممکن تاسو و نه پوهېږئ، مګر دا ډېره آسانه خبره ده. یوازې خپل ملګري وګورئ، که ملګري مو ښه خلک وي تاسو به څو کاله وروسته خپل هدف ته رسېدلي یئ، خو که خبره برعکس وي او دوستان مو بد خلک وي نو پرته له شکه به په بد وضيعت کې ژوند کوئ. اوس پوښتنه دا ده، چې د کومو ځانګړنو درلودونکي خلک باید خپل ملګري وټاکو!؟ همدې پوښتنې ته مفصل ځواب درکوو. 

 لومړی ـ عیبونه

کوښښ وکړئ داسې ملګري وټاکئ، چې عیبونه مو برسېره کوي. البته په دې شرط، چې عیبونه مو باید تاسو ته ووايي، که برعکس ستاسو عیب نورو ته وايي له داسې خلکو ځان وساتئ. دا ډول خلک ستاسو شخصیت ننګوي او د نورو پر وړاندې مو سپک معرفي کوي. 
 موږ پښتانه متل کوو، چې "خپل عیب د ولو منځ د بل عیب د کلو منځ." رښتيا هم همداسې ده. انسان ته خپل عیب په اسانۍ نه معلومېږي. که تاسو نن کوم عیب لرئ او هېڅوک ستاسو عیب درته ښکاره نه کړي، نو څو کاله وروسته به مو دا عیب په عادت بدل شوی وي. تاسو ته دا بد عادت سم او مناسب کار ښکاري. مګر که ښه ملګري ولرئ او تاسو ته خپل عیب وښيي ډېر ژر به یې اصلاح کړئ. په دې ډول تاسو خپل ژوند کې له عیبونو پاک کېږئ او ډېر ژر د ټولنې منلي اشخاص جوړېدای شئ.

 دویم ـ تشویق

که تاسو د ژوند په اوږدو کې ځينې کوچنۍ لاسته راوړنې لرئ، باید وستایل شئ. په دې توګه تاسو لا ډېره انرژي پيدا کوئ او لا زیاته هڅه کوئ. په افغانستان کې ډېری خلک دا کړنه نه ترسره کوي، بلکې ځينې وخت آن ستاسو د بریاوو پر وړاندې خنډ ګرځي او کينه هم کوي. یوه خبره باید تاسو هم درک کړئ. که د ښه ملګري دعوه کوئ باید خپل ملګري تل تشویق کړئ تر څو ستاسو د هڅوونې په پايله کې لا ډېر پرمختګ وکړي.
 د هڅوونې بله ګټه دا ده، چې تاسو فکر کوئ ارزښتمن یئ او ملګري مو خوشحاله دي. کله چې تاسو ځانته په ټولنه کې د یوه ارزښتمن شخص په توګه قایل شوئ، په ټولنيز ژوند کې مو بریا حتمي کېږي. 

 درېيم ـ مشترک ارزښتونه

که څه هم فکري اختلاف له ډېرو اړخونو د انسان په فکري پياوړتيا کې مرسته کوي، مګر په ټوليزه توګه دا غوره ده، چې ګډ ارزښتونه ولرئ. که ستاسو ارزښتونه شریک وي نو ملګرتيا به مو تلپاتې وي. زموږ له ګډو ارزښتونو څخه هدف ستاسو هغه باورنه دي، چې تاسو ورته تل په ارزښت قايل یئ. دلته اساسي خبره دا ده، که تاسو داسې ملګري وټاکئ چې ارزښتونه مو سره په ټکر کې وي، تل به خپل ملګري له لاسه ورکوئ او ناهيلي به اوسئ.
 خو که بیا هم ستاسو کوم ملګری په ارزښتونو کې له تاسو متفاوت وي، کوښښ وکړئ د هغه باورونو ته درنښت ولرئ، په دې توګه د خپلو ارزښتونو درناوی هم وساتئ. 

 څلورم ـ ګډې موخې

په چارو کې د مشورې لپاره ملګري تر ټولو غوره ټاکنه ده. که ستاسو موخه مشترکه وي نو ډېر ژر به خپله موخه ترلاسه کړئ. ومنئ چې "له یو لاس څخه ټک نه خېژي." که موخې ته د رسېدو لپاره پر یوې طرحې فکر کوئ نو ستاسو د ملګرو مختلفې نظریې به له تاسو سره د یوې عالي طرحې په جوړولو کې مرسته وکړي.
 دا یو حقیقت دی، چې ستاسو ملګری تاسو تر ټولو ښه پېژندلی شي. که موخه مو ګډه وي، دواړه به ډېره هڅه کوئ او نوې تګلارې به سنجوئ.

 پنځم ـ نېک انسانان

تر ډېره باید هڅه وکړئ، چې نېک خلک خپل ملګري وټاکئ. د انسان په کړو ـ وړو کې د ملګرو اغېز بېخي معلوم او ثابت دي. نو مهمه خبره ده، چې ښه خلک خپل ملګري وټاکئ تر څو تاسو هم ورسره مثبت بدلون وکړئ.
 که ستاسو ملګري نشه کوي، باید پوه شئ، چې تاسو هم څه موده وروسته نشه یي کېږئ. په دې هکله باید قاطع دريځ ولرئ. له هر چا سره تر ملګرتيا وړاندې باید لومړی د مقابل لوري ټول خصلتونه وڅېړئ او بیا پرېکړه وکړئ. 

Related Articles

آبیاری چیست

آبیاری_چیست؟  آبیاری عبارت است از رسانیدن آب مورد نیاز نبات با دخالت انسان جهت رفع نیاز نبات می باشد. هرگاه نباتات نتوانند در طبیعیت آب مقدار ضرورت خویش را بشکل نورمال بدست آرند و با دخالت انسان نیازمندی نبات رفع گردد به آن آبیاری گفته میشود. خلاصه اگر در تامین آب مورد ضرورت نبات انسان دخالت نمایید به آن آبیاری گفته میشود.آبیاری در نباتات بستگی به...

ارزشش را دارد؟!

ارزشش را دارد؟! مصطفی عمرزی از بخت بد، مردم ما، چند طرفه قربانی می دهند. یک طرف این قربانی ها، اعتقادات به ایدیالوژی های وارده است. فرقی نمی کند که اسلامی باشد یا غیر اسلامی. پس از هفت ثور، شعار زشت، منفور و کریه «آل یحیی» را بیش از همه «سور خلقی» ها نشخوار می کردند. این مرض مسری، وارد جبهات آن همتباران شان نیز می شد که ریش های خود را نمی تراشیدن...

تاکیدي عبارتونه

اوسني ارواپوهان په دې نظر دي، چې دا ډول تاکیدي عبارتونه هغه هڅونکې، پاڅونکې او دعاوزمه جملې دي چې په هر وخت کې کولی شي، د انسان زیاتې رواني خلاوې ډکې کړي. د یادونې وړ ده، دلته چې کوم تاکیدي عبارتونه لولئ، د ارواپوهنې له سلګونو کتابونو او رسالو څخه غوره شوي دي، ترڅو ستاسو په وجود او روان کې د يوه سالم احساس، نوښتګر تفکر او ښې ځانخبرۍ وړانګې راوځلوي،...

Recommended Articles

که مو ویښتان تویږي دا درې خواړه وخورئ

مهمه نه ده چې ويښتان مو اوږده، لنډ، صاف یا ګالګووتي او یا په هر شکل چې وي خو د ویښتانو تویدل یو داسې افت دی چې په ټولو راتللی شي. یوازېنۍ د خلاصون لاره ترې همدا ده چې اندیښنه کمه او کار ډیر وکړو. د ویښتانو تویدلو تر ټولو ستر او عام لاملونه اندیښنه، په بدن کې د ویښتانو پورې اړوند ویټامینونو کمښت، هورمونيکي ستونزې، بې کیفیته شامپو او نورو تولیداتو ک...

د حافظې د پیاوړتیا څو لارې

هغه حقیقت چې د عمر په زیاتېدو سره حافظه له منځه ځي، دلیل نه شي کېدای چې ونه شو کولی د له منځه تللو طریقه یې ډېره سسته کړو. څېړنو ښودلې ده چې موږ کولی شو د امکان تر حده حافظه وساتو، اجازه راکړئ دغه عملي لارې وسپړو.  د حافظې د قوي کېدلو څو لارې  ژور فکر وکړئ چې فعاله حافظه مو بهتره شي: فعاله حافظه تقریباً ستاسو د مغز د یادښت کتابچه ده، چېرته چې نوي...

کوټه سنګي ته ولې کوټه سنګي وايي؟

ځینې کسان په دې اند دي چې د کوټه سنګي نوم اصلا د هغې ډبرېنې کوټې څخه اخیستل شوی دی چې یو وخت په میرویس میدان کې جوړه شوې وه.ویل کیږي کله چې د دغه ځای د سړکونو کرښې وکښل شوې د سړکونو د تقاطع په نقطه کې یعنې په څلور لارې کې د ساتونکي لپاره د ډبرو یوه خونه جوړه شوه له همدې امله دا سیمه په کوټه سنګي یا د ډبرو د کوټې په نوم ونومول شوه.خو اصلا د دې  سیمې...