To start downloading books

Please sign in or create an account.

Wiqar Ibrahimi 3 years ago 1,698
غوره هنر

غوره هنر

لیکنه: وقار ابراهیمي

 

پوهان خبرې کول، یوه پروسه او عمل ګڼي، خو بیا غوږ نیول یو لوي او ارزښتمن هنر ګڼي، د لومړي په پرتله دوهم یا غوږ نیول ته ډېره ترجیح ورکړل شوې ده/کېږي ځینې داسې ډېرو مواردو سره انسان مخامخ کېږي، چې د نورو خبرو ته غوږ نیول ورته ډېرې ارزښتناک تمامېږي، او له ملامت څخه لري وي.

د پوهانو دې خبرې ته په اشارې سره موږ په هغه ټولنه کې چې ژوند کوو له داسې ډېرو کسانو سره مخامخ کېږو، چې د خبرو له بې نزاکتونو سربېره له دغه ارزښتمن هنر څخه هم بې برخې دي، او یا خو تر ډېره پورې داسې هم پېښ شوي دي، چې د یو چا خبرو ته له غوږ نه نیولو وروسته خبره تر ګيلې او د دوو کسانو تر خپګانه پورې رسېږي. 

 

دا هنر شاید ډېرو کسانو ته یو بې ګټې او بې ارزښته څه ښکاره شي، خو داسې هېڅکله نه ده، پام وکړئ آن تر دې حده چې د يوې ټولنې یا کورنۍ مشران به لیک او لوست به هم نه وي زده، خو کشرانو او ماشومان ته به یې لومړي وصيت دا وي، چې څنګه په یو ځای کې د نورو تر مخه آرام کېني او یا د خبرو کولو په وخت کې څه ته پام وکړي، او یا داسې چې نور څوک خبرې کوي، نو د مقابل کس خبرې په نيمايي کې پرې نه کړي.

دا چې خبرو ته غوږ نیول له یو ارزښتناک عملونو څخه شمېرلې شو، همداسې د ډېر څه د زده کړي لاره هم ده، د زده کړې د کلمې په لیکلو سره د یو عالم خبره را په زړه شوه، هغه خبرو ته د غوږ نیولو په اړه ډېره ارزښتناک څه وایې« کله چې تاسو خبرې کوي، نو داسې څه به وايې چې تاسو پرې پوهېږي، او تاسو چې کله د بل انسان خبرو ته غوږ ږدي، نو داسې څه به زده کوي، چې تاسو له مخکې پرې نه پوهېدئ» د عالم دې خبرې ته په اشارې د نورو خبرو کولو ته غوږ د هنر

د پاللو سربېره یو زده کړو هم کوو، یعني یو څه زده کوو، یو څه نوي اورو.

د یادونې وړ ټکي: لیکنه کې مې په ډېرو خبرو کولو کې افراط ته اشاره ده، چې دلته ډیرې مواردو کې داسې  کسان پیدا کېږي، چې له دې افراط کولو سره په پرېمانه کچه مخامخ دي، او بل ضرور د یادونې وړ ټکی هغه دا ده، زموږ په افغان ټولنه کې داسې ډېر مشران پیدا کېږي، چې د ماشومانو په اړه یوه نطریه لري، دوې وایې« مشرانو په وړاندې د ماشومانو خبرو کولو هېڅ اړتيا نشته، ځکه هغوې ناپوه دي، او دمشرانو په وړاندې خبرې کول، د مشرانو بې احترامې ده» د مشرانو دا خبره تر ممکن حده پورې صحي نه ده، بلکې ټول ماشومان یو ډول ذهن او وړتیا نه لري، هغوې چې ماشومانو ته په ارزښت قایل دی، ماشومان یې له نورو ډېر جرئت لرونکي او په راتلونکي کې داسې انسانان ترې جوړېږي، چې حساب پرې کېدای شي، او ورسره له ښه راتلونکي برخمن کېږي. کله چې له ماشوم څخه په انفرادي توګه د يوې موضوع په اړه هم څه وپوښتي، شاید د موضوع په اړه ونه پوهېږي، خو بیا ماشوم هڅه کوي چې راتلونکي کې په اړونده موضوع برلاسيتوب ولري، او همداسې دا چلند یې ډېر ژر تر ټولنیز چلند پورې وده کوي.

 

 

Related Articles

د خوشحاله خلکو ځانګړنې؛ تاسو هم خوشحاله اوسېدلای شئ!

د خوشحاله خلکو د خوښۍ راز څه دی؟ تاسو به فکر کوئ، چې هغوی ډېرې پیسې لري او هر څه چې یې زړه وغواړي ترلاسه کوي يې. که تاسو په همدې نظر یئ باید پوه شئ چې په غلطه یئ. هېڅکله هم مه هېروئ؛ خوښي کوم ځای نه دی، چې څو ورشئ او نه هم کوم څيز دی، چې ترلاسه یې کړئ بلکې خوشحالي یو ذهني حالت دی، چې جوړول غواړي. که تاسو هم غواړئ خوښ اوسئ، لیکنه تر پايه ولولئ.  د...

له خوب وړاندې دا ټکي په پام کې ونيسئ!

ژباړه ـ ریاض مقامزی خوب د انسان د فزیکي او ذهني ستړیا د له منځه وړلو بهترین درمل بلل کېږي. که څوک بشپړ خوب نه کوي او یا یې خوب نامنظم وي، نو حتما به له ذهني او رواني ګډوډيو سره مخ کېږي. موږ په دې لیکنه کې هغه اعمال درته معرفي کوو، چې له خوب مخکې یې باید ترسره کړئ/نه کړئ.  د ښه خوب لپاره کوم ټکي باید مراعت کړو؟ د ښه او داسې خوب کولو لپاره، چې کو...

محمد علي کلي څوک و؟

ژباړه ـ ریاض مقامزی  د نړۍ په تاریخ کې داسې څېرې هم شته، چې د بېلابېلو عواملو له کبله په نړېواله کچه محبوبیت پيدا کوي. یو له دې څېرو محمد علي دی. تاسو به د "څېرې" لړۍ په دې لیکنه کې محمد علي کِلِی په پوره توګه وپېژنئ!   د ماشومتوب ژوند د نوموړي اصلي نوم کاسیوس مارسلوس کلی دی. د ۱۹۴۲ز کال د جنورۍ په اوولسمه د امریکا متحده ایالاتو په یو لوی ښار (...

Recommended Articles

ملا نصرالدین څوک و؟

ملا نصرالدين ته ترکان حواجه يا خواجه نصرالدين وايې، افغانان او اير انيان يې ملا نصر الدين (ملا نصرودين) بولي،عربان يې دجحا نصرالدين او افندي نصرالدين په نامه پيژني٠  ملا نصرالدين د يوه روايت پر بنسټ په اوومې هجري پېړۍ کې چې د١٢٠٩ زېږدېز/میلادي کال سر ه سمون خوري دسلجوقي واکمنۍ په زمانه کې دتر کيې دخورتو په ښار ګوټي کې دې نړۍ ته سترګې پرانيستلي دي...

د حافظې د پیاوړتیا څو لارې

هغه حقیقت چې د عمر په زیاتېدو سره حافظه له منځه ځي، دلیل نه شي کېدای چې ونه شو کولی د له منځه تللو طریقه یې ډېره سسته کړو. څېړنو ښودلې ده چې موږ کولی شو د امکان تر حده حافظه وساتو، اجازه راکړئ دغه عملي لارې وسپړو.  د حافظې د قوي کېدلو څو لارې  ژور فکر وکړئ چې فعاله حافظه مو بهتره شي: فعاله حافظه تقریباً ستاسو د مغز د یادښت کتابچه ده، چېرته چې نوي...

له مطالعې سره څنګه ځان عادت کړو؟

لیکنه ـ ریاض مقامزی د هر لوستي ځوان لپاره دوامداره مطالعه ډېره اړينه او مهمه ده. که تاسو دوامداره مطالعه کوئ، ذهن به مو فعال وي او هېڅکله به په وینا کې له بندښت سره مخ نه شئ. ددې ترڅنګ مطالعه ګڼې نورې ګټې هم لري. موږ نه غواړو، چې تاسو ته د مطالعې پر ارزښت وغږېږو. یوازې غواړو، تاسو ته ددې لارښوونه وکړو، چې څنګه دوامداره مطالعه خپل عادت وګرځوو. آیا...